PiclonePiclone

Best Instagram Web Viewer

Photos of tomato0728chan in Instagram Account Tomato Chan 陳美濤

Photos of tomato0728chan in Instagram Account Tomato Chan 陳美濤

tomato0728chan

Tomato Chan 陳美濤

香港大學 | 中國語言及文學 | 哲學碩士 已出版小說:《無緣化蝶》《港女九陰真經vs女神孫子兵法》《殺妻十七》 Youtube頻道:口述武俠

Instagram Photos and Videos of tomato0728chan. Download, Comment, Like Tomato Chan 陳美濤 Photos and Videos Shared by tomato0728chan Instagram Account

Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 呢一世,我變咗隻狗(下)
.
「喂,妳個表情唔似普通狗,妳都有前世記憶?」
.
咦,隻公狗都識講野,我忍唔住問:「你前世都係人?」
.
公狗點頭:「我懷疑,果陣啲孟婆湯用咗黑心食材。」
.
我笑咗,佢又幾幽默。
終於遇到同類,我將我嘅遭遇講晒出黎。
.
「妳有無諗過,如果妳老公同女主人離婚,妳會跟邊個?」
.
我不加思索就答:「我梗係跟我老公!」
.
公狗好冷靜:「但妳又無發言權,而且鍾意狗果個,係女主人。」
.
我倒抽一口涼氣,即係話,如果佢地分開,我就要同情敵生活?
.
「唔通我唔理佢地?」
我愈講愈傷心:「我老公好衰,無論我幾乖,佢都唔係好鍾意我,剩係聽個女人話。」
.
「妳前世點解揀佢?」
.
「因為佢錫老婆......」佢唔鍾意狗,但我嫁畀佢果陣,我唔係狗丫嘛。
. ,
講到呢度,我已經明白我嘅困境,
.
我突然諗到一個問題:「依加點算?我雖然幾欣賞你,但我唔可以同你配種,我接受唔到咁快。」
.
公狗反問:「妳覺得要幾耐?」
.
「要約出街睇戲食飯、相處了解......至少要一兩年。」
.
公狗擺出一副憂鬱嘅神情:「依加我地係狗,狗生,有幾多個兩年?」
.
果一刻,我覺得佢好似柴九咁型。
. ,
「妳唔想日日對住情敵,不如我叫我主人高價買你番黎,同我一齊住?」
.
我呆咗:「你點樣控制你主人?」
.
「扮下抑鬱,令佢知我掛住妳,好易咋。」
公狗有啲驕傲:「我得閒就認下字,計下簡單數學,俾主人拍片擺上網。
依加我好紅,出埋寫真,主人靠我搵食,一定聽晒我話。」
.
公狗放軟語氣:「回憶,可以係包袱,亦可以令妳過得更好。」
.
我諗咗一陣,應承咗佢。
. ,
番到屋企,我開始扮厭食,個女人一籌莫展,
.
公狗嘅主人又想買走我,結果,我好順利咁搬去公狗屋企,同佢雙宿雙棲。
.
呃,都算係大團圓結局。
.
我點解放得低我老公?真係因為果啲心靈雞湯?
.
傻啦,忘記舊愛只有兩個方法:時間同新歡。
.
如果忘記唔到,一係時間唔夠長,一係新歡唔夠好。
.
-完-
.
#短故 #短篇 #小說 #陳美濤 #廣東話 #粵語 #變咗隻狗 #tomatochan

呢一世,我變咗隻狗(下) . 「喂,妳個表情唔似普通狗,妳都有前世記憶?」 . 咦,隻公狗都識講野,我忍唔住問:「你前世都係人?」 . 公狗點頭:「我懷疑,果陣啲孟婆湯用咗黑心食材。」 . 我笑咗,佢又幾幽默。 終於遇到同類,我將我嘅遭遇講晒出黎。 . 「妳有無諗過,如果妳老公同女主人離婚,妳會跟邊個?」 . 我不加思索就答:「我梗係跟我老公!」 . 公狗好冷靜:「但妳又無發言權,而且鍾意狗果個,係女主人。」 . 我倒抽一口涼氣,即係話,如果佢地分開,我就要同情敵生活? . 「唔通我唔理佢地?」 我愈講愈傷心:「我老公好衰,無論我幾乖,佢都唔係好鍾意我,剩係聽個女人話。」 . 「妳前世點解揀佢?」 . 「因為佢錫老婆......」佢唔鍾意狗,但我嫁畀佢果陣,我唔係狗丫嘛。 . , 講到呢度,我已經明白我嘅困境, . 我突然諗到一個問題:「依加點算?我雖然幾欣賞你,但我唔可以同你配種,我接受唔到咁快。」 . 公狗反問:「妳覺得要幾耐?」 . 「要約出街睇戲食飯、相處了解......至少要一兩年。」 . 公狗擺出一副憂鬱嘅神情:「依加我地係狗,狗生,有幾多個兩年?」 . 果一刻,我覺得佢好似柴九咁型。 . , 「妳唔想日日對住情敵,不如我叫我主人高價買你番黎,同我一齊住?」 . 我呆咗:「你點樣控制你主人?」 . 「扮下抑鬱,令佢知我掛住妳,好易咋。」 公狗有啲驕傲:「我得閒就認下字,計下簡單數學,俾主人拍片擺上網。 依加我好紅,出埋寫真,主人靠我搵食,一定聽晒我話。」 . 公狗放軟語氣:「回憶,可以係包袱,亦可以令妳過得更好。」 . 我諗咗一陣,應承咗佢。 . , 番到屋企,我開始扮厭食,個女人一籌莫展, . 公狗嘅主人又想買走我,結果,我好順利咁搬去公狗屋企,同佢雙宿雙棲。 . 呃,都算係大團圓結局。 . 我點解放得低我老公?真係因為果啲心靈雞湯? . 傻啦,忘記舊愛只有兩個方法:時間同新歡。 . 如果忘記唔到,一係時間唔夠長,一係新歡唔夠好。 . -完- . #短故 #短篇 #小說 #陳美濤 #廣東話 #粵語 #變咗隻狗 #tomatochan

Share 1 4
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 呢一世,我變咗隻狗(上)
.
見到老公攬住第二個女人,坐喺自己張床度,妳會有咩反應?
.
打佢兩巴?離婚?
.
我兩樣都做唔到,因為呢一刻,我係一隻狗。
.
老實講,半個鐘前,我幾鍾意果個女人,由寵物店買咗我出黎,好溫柔咁哄我。
.
而我老公都無做錯,五年前我車禍身亡,輪迴投胎,佢再婚都好正常。
.
但兩件事加埋,我真係接受唔到。
. ,
女人摸下我個頭:「豬豬,從此我會照顧你一生一世。」
.
喂,我無興趣同情敵一生一世,我擺出最美麗嘅姿態,望向老公,
點知老公望都無望我,仲錫咗個女人一啖。
.
我忍唔住啦!
我撲上去,一啖咬落個女人度,仲未咬入,就俾老公踢開咗。
.
老公大叫:「佢咬人架,唔好養佢。」
.
個女人望下傷口:「豬豬打咗針,無事嘅。佢可能怕生,教下就好。」
. ,
我僥倖逃過一劫,諗咗好耐,我覺得我唔可以咁衝動,
.
一來我細細隻,點咬都無辦法一擊斃命;
萬一激嬲佢地,遺棄咗我,我就無晒機會。
.
喺愛情嘅戰場上,我要靠智慧取勝,
老公保衛戰,正式開始!
. ,
之後,我嘅生活都由個女人照顧,老公得閒先摸下我。
.
咁樣落去,我嘅存在,只會令我老公覺得,個女人好有愛心。
.
我要改變!我開始挑撥離間,當老公喺度,我就好痴佢,好乖好嗲;
.
但當個女人一個人喺屋企,我就亂吠,喺佢身上大小便。
.
個女人實會訴苦,老公見到我平時咁乖,一定唔信佢,
甚至覺得佢虐待我,離婚同我雙宿雙棲......
. ,
如我所料,女人一講,老公就話:「我見豬豬好乖架。」
.
未等個女人回應,老公擺擺手:「是但啦,一隻狗啫,妳話點就點。」
.
果一下,我聽到自己心碎嘅聲音。
.
「老公,豬豬會唔會病咗?例如精神分裂?」
.
結果,個女人抱咗我去睇獸醫。
. ,
獸醫當然驗唔出我有咩病,就話我可能係發情期,情緒激動。
.
我無理到,我部署緊下一輪計劃,點樣趕走個女人,同我老公雙宿雙棲。
.
未等我部署好,過幾日,個女人就帶咗我上的士。
.
佢一定係想遺棄我,甚至謀殺我,獨佔我老公!
.
點知,我見到一隻公狗,隱約聽到個女人同人講咩「配種」,就離開咗間房。
.
孤男寡女共處一室,唔通我要被一隻狗強姦?
.
隻公狗愈行愈近,我已經做好準備,誓死捍衛貞操。
.
待續...
#短故 #短篇 #小說 #陳美濤 #廣東話 #粵語 #變咗隻狗 #tomatochan

呢一世,我變咗隻狗(上) . 見到老公攬住第二個女人,坐喺自己張床度,妳會有咩反應? . 打佢兩巴?離婚? . 我兩樣都做唔到,因為呢一刻,我係一隻狗。 . 老實講,半個鐘前,我幾鍾意果個女人,由寵物店買咗我出黎,好溫柔咁哄我。 . 而我老公都無做錯,五年前我車禍身亡,輪迴投胎,佢再婚都好正常。 . 但兩件事加埋,我真係接受唔到。 . , 女人摸下我個頭:「豬豬,從此我會照顧你一生一世。」 . 喂,我無興趣同情敵一生一世,我擺出最美麗嘅姿態,望向老公, 點知老公望都無望我,仲錫咗個女人一啖。 . 我忍唔住啦! 我撲上去,一啖咬落個女人度,仲未咬入,就俾老公踢開咗。 . 老公大叫:「佢咬人架,唔好養佢。」 . 個女人望下傷口:「豬豬打咗針,無事嘅。佢可能怕生,教下就好。」 . , 我僥倖逃過一劫,諗咗好耐,我覺得我唔可以咁衝動, . 一來我細細隻,點咬都無辦法一擊斃命; 萬一激嬲佢地,遺棄咗我,我就無晒機會。 . 喺愛情嘅戰場上,我要靠智慧取勝, 老公保衛戰,正式開始! . , 之後,我嘅生活都由個女人照顧,老公得閒先摸下我。 . 咁樣落去,我嘅存在,只會令我老公覺得,個女人好有愛心。 . 我要改變!我開始挑撥離間,當老公喺度,我就好痴佢,好乖好嗲; . 但當個女人一個人喺屋企,我就亂吠,喺佢身上大小便。 . 個女人實會訴苦,老公見到我平時咁乖,一定唔信佢, 甚至覺得佢虐待我,離婚同我雙宿雙棲...... . , 如我所料,女人一講,老公就話:「我見豬豬好乖架。」 . 未等個女人回應,老公擺擺手:「是但啦,一隻狗啫,妳話點就點。」 . 果一下,我聽到自己心碎嘅聲音。 . 「老公,豬豬會唔會病咗?例如精神分裂?」 . 結果,個女人抱咗我去睇獸醫。 . , 獸醫當然驗唔出我有咩病,就話我可能係發情期,情緒激動。 . 我無理到,我部署緊下一輪計劃,點樣趕走個女人,同我老公雙宿雙棲。 . 未等我部署好,過幾日,個女人就帶咗我上的士。 . 佢一定係想遺棄我,甚至謀殺我,獨佔我老公! . 點知,我見到一隻公狗,隱約聽到個女人同人講咩「配種」,就離開咗間房。 . 孤男寡女共處一室,唔通我要被一隻狗強姦? . 隻公狗愈行愈近,我已經做好準備,誓死捍衛貞操。 . 待續... #短故 #短篇 #小說 #陳美濤 #廣東話 #粵語 #變咗隻狗 #tomatochan

Share 0 10
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 我係酒樓魚缸入面果條魚(下)
.
外在美唔係咁得,就要令人留意我嘅內在美。
.
當有人知道,我用緊魚嘅身軀,但有人類嘅知識,拎去研究又好表演又好,一定唔會食我。
.
點樣令人留意呢?我又講唔到人話。
.
如果我跳隻舞,分分鐘俾酒樓以為我有病,扔咗我。
.
我望住透明嘅魚缸,突然昇起一個念頭:寫字!
. ,
一條魚寫唔到字,但我地呢度成缸魚,用身軀砌字,係絕對可行嘅。
.
砌咩字呢?筆劃太多砌唔到;筆劃少到「十」字咁,又會令人以為係巧合,
.
仲要表達我地嘅理想,夠吸睛,引起客人嘅關注......
.
我諗到「自由」!
. ,
好彩班魚信我,大家都想生存落去,就聽我話乖乖排位。
.
好快,我感受到人類留意緊我地!
.
隱約有人影圍埋個魚缸前面,仲有閃光燈影相。
.
受到關注,我地應該唔會輕易被製成盤中餐啦掛。
. , 
我地堅持住「自由」嘅排陣,唔知過咗幾耐,魚缸前嘅人影漸漸散去,只剩低幾個酒樓職員。
.
我諗係間酒樓夠鐘關門,呢個時候,部長將我地逐條撈起。
.
我好興奮,睇黎佢地意識到我地嘅特別之處,要好好養起我地。
.
點知,我被重重撻落冰冷嘅玷板。
. ,
我聽到個阿嬸話:「作死囉,今日高官擺酒,佢地居然砌『自由』。
記者問我地老闆係咪對政府不滿,所以特登訓練啲魚砌字啊!」
.
另一個阿嬸答:「魚邊度訓練到架,啲魚自己唔知發咩神經。」
.
「我都係咁諗,但啲記者肯定有野寫啦,話天降異象都得啊。」
.
「唉,今次我地酒樓肯定出事,經理叫我地處理好啲魚。」
.
「咁樣一搞,話唔定我地飯碗都不保,啲衰魚真係要千刀萬劏。」
. ,
無辯解嘅空間,刀刃狠狠插入我嘅身體,劇痛,
我下意識扭一扭,然後係下一刀、再一刀......
.
喺凌遲嘅過程中,我不斷諗,我做錯咗乜野?唔應該砌字?砌錯字?
.
係咪我唔砌「自由」砌「HELP」會好啲?
.
但係就算我砌另一個字,或者直情諗另一個辦法,結果......會唔會都係一樣?
. ,
原來,乜野「上帝關咗你道門,一定會幫你開番一扇窗」係呃人嘅。
.
咁努力有咩用?
就係令你死果一刻,唔使後悔「早知我應該點點點」,而係意識到人生嘅真理:
.
上帝關咗你道門之後,通常會順手將你嘅窗、煙囪、門縫都塞實晒,
.
嗯,仲會連冷氣都壞埋。
.
-完-
.
#短故 #短篇 #小說 #陳美濤 #廣東話 #粵語 #我係酒樓魚缸入面果條魚 #tomatochan

我係酒樓魚缸入面果條魚(下) . 外在美唔係咁得,就要令人留意我嘅內在美。 . 當有人知道,我用緊魚嘅身軀,但有人類嘅知識,拎去研究又好表演又好,一定唔會食我。 . 點樣令人留意呢?我又講唔到人話。 . 如果我跳隻舞,分分鐘俾酒樓以為我有病,扔咗我。 . 我望住透明嘅魚缸,突然昇起一個念頭:寫字! . , 一條魚寫唔到字,但我地呢度成缸魚,用身軀砌字,係絕對可行嘅。 . 砌咩字呢?筆劃太多砌唔到;筆劃少到「十」字咁,又會令人以為係巧合, . 仲要表達我地嘅理想,夠吸睛,引起客人嘅關注...... . 我諗到「自由」! . , 好彩班魚信我,大家都想生存落去,就聽我話乖乖排位。 . 好快,我感受到人類留意緊我地! . 隱約有人影圍埋個魚缸前面,仲有閃光燈影相。 . 受到關注,我地應該唔會輕易被製成盤中餐啦掛。 . , 我地堅持住「自由」嘅排陣,唔知過咗幾耐,魚缸前嘅人影漸漸散去,只剩低幾個酒樓職員。 . 我諗係間酒樓夠鐘關門,呢個時候,部長將我地逐條撈起。 . 我好興奮,睇黎佢地意識到我地嘅特別之處,要好好養起我地。 . 點知,我被重重撻落冰冷嘅玷板。 . , 我聽到個阿嬸話:「作死囉,今日高官擺酒,佢地居然砌『自由』。 記者問我地老闆係咪對政府不滿,所以特登訓練啲魚砌字啊!」 . 另一個阿嬸答:「魚邊度訓練到架,啲魚自己唔知發咩神經。」 . 「我都係咁諗,但啲記者肯定有野寫啦,話天降異象都得啊。」 . 「唉,今次我地酒樓肯定出事,經理叫我地處理好啲魚。」 . 「咁樣一搞,話唔定我地飯碗都不保,啲衰魚真係要千刀萬劏。」 . , 無辯解嘅空間,刀刃狠狠插入我嘅身體,劇痛, 我下意識扭一扭,然後係下一刀、再一刀...... . 喺凌遲嘅過程中,我不斷諗,我做錯咗乜野?唔應該砌字?砌錯字? . 係咪我唔砌「自由」砌「HELP」會好啲? . 但係就算我砌另一個字,或者直情諗另一個辦法,結果......會唔會都係一樣? . , 原來,乜野「上帝關咗你道門,一定會幫你開番一扇窗」係呃人嘅。 . 咁努力有咩用? 就係令你死果一刻,唔使後悔「早知我應該點點點」,而係意識到人生嘅真理: . 上帝關咗你道門之後,通常會順手將你嘅窗、煙囪、門縫都塞實晒, . 嗯,仲會連冷氣都壞埋。 . -完- . #短故 #短篇 #小說 #陳美濤 #廣東話 #粵語 #我係酒樓魚缸入面果條魚 #tomatochan

Share 1 4
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 我係酒樓魚缸入面果條魚(上)
.
一覺醒來,如果你發現自己變咗一條魚,你會點做?
.
變魚都唔係最大問題,係我透過魚缸望出去,
隱隱約約見到一間酒樓嘅擺設,圓桌白布、著西裝嘅部長......
.
雖然我成日話想「像魚兒一樣自由自在」,
但我無諗過,係酒樓魚缸果條等緊俾人劏嘅魚嘛。
.
情況就好似你話想做小鳥,結果變咗乳鴿。
. ,
我喊「救命」,但無人理我,反而魚缸入面嘅其他魚望住我:「咩事啊?」
.
OK,我係一條魚,有同魚溝通嘅能力,生理結構所限,自然無辦法再講人話。
.
即係話,眼前呢一班魚,就係我逃出生天嘅伙伴,我要相信,團結就是力量!
.
我即刻問佢地,有咩逃生計劃。
.
點知佢地反問:「下,點解要逃生,會死架咩?」
.
我解釋咗好耐:「你地有無見過,有啲同伴會突然俾人撈走?」
.
「有,佢地唔係搬家咩?」
. ,
我將食用魚、酒樓魚缸嘅概念講得一清二楚,班魚都係覺得我危言聳聽。
.
我都明嘅,如果你平平靜靜咁生活,
突然有個人話畀你知,其實你命中注定會被分屍再煮黎食,你都唔信啦。
.
我諗到個辦法,我講咗個預言:「一陣有人行埋黎,游黎游去果條,會最先『搬家』;伏喺下面嘅,一定唔會『搬家』。」
.
啲客人揀魚,肯定揀最生猛果條先。
.
班魚唔信我,但無幾耐,真係有部長黎撈魚,
我故意伏喺魚缸底,扮到半死不活,睇住最活躍果條被撈走。
.
果一刻,班魚望我嘅眼神,好似我係預言家一樣。
. ,
「你點解會知架?」「你好叻啊!」「我要封你做偶像。」
.
我點答好?唔通我講,我以前都係企喺出面,思考食你地邊條嘅。
.
好明顯唔得,所以我轉向一個更重要嘅話題:「當務之急,係諗點樣逃生。」
.
講完之後,我自己都有啲頭痛,如果我係雞係鴨,都可以諗點樣偷偷走出去。
.
但依加我係一條魚,就算我奮力一躍,跳出魚缸,都只會缺水而死。
. ,
魚有咩好出路?
回歸大海自由自在,但我一來未搞清楚我係咸水魚定淡水魚,二來酒樓都無可能放生我。
.
仲有一條路,係俾人養,養到壽終正寢。
.
假如呢一刻,有個闊佬睇中咗我,想包養我,酒樓都應該肯賣。
.
但我地又唔係色彩斑斕嘅靚魚,點會有人想養?
.
唉,做人樣衰,都只係追唔到女仔;做魚樣衰,分分鐘連命仔都無埋。
.
外在美唔係咁得,就要令人留意我嘅內在美。
. 
待續...
.
#短故 #短篇 #小說 #陳美濤 #廣東話 #粵語 #我係酒樓魚缸入面果條魚 #tomatochan

我係酒樓魚缸入面果條魚(上) . 一覺醒來,如果你發現自己變咗一條魚,你會點做? . 變魚都唔係最大問題,係我透過魚缸望出去, 隱隱約約見到一間酒樓嘅擺設,圓桌白布、著西裝嘅部長...... . 雖然我成日話想「像魚兒一樣自由自在」, 但我無諗過,係酒樓魚缸果條等緊俾人劏嘅魚嘛。 . 情況就好似你話想做小鳥,結果變咗乳鴿。 . , 我喊「救命」,但無人理我,反而魚缸入面嘅其他魚望住我:「咩事啊?」 . OK,我係一條魚,有同魚溝通嘅能力,生理結構所限,自然無辦法再講人話。 . 即係話,眼前呢一班魚,就係我逃出生天嘅伙伴,我要相信,團結就是力量! . 我即刻問佢地,有咩逃生計劃。 . 點知佢地反問:「下,點解要逃生,會死架咩?」 . 我解釋咗好耐:「你地有無見過,有啲同伴會突然俾人撈走?」 . 「有,佢地唔係搬家咩?」 . , 我將食用魚、酒樓魚缸嘅概念講得一清二楚,班魚都係覺得我危言聳聽。 . 我都明嘅,如果你平平靜靜咁生活, 突然有個人話畀你知,其實你命中注定會被分屍再煮黎食,你都唔信啦。 . 我諗到個辦法,我講咗個預言:「一陣有人行埋黎,游黎游去果條,會最先『搬家』;伏喺下面嘅,一定唔會『搬家』。」 . 啲客人揀魚,肯定揀最生猛果條先。 . 班魚唔信我,但無幾耐,真係有部長黎撈魚, 我故意伏喺魚缸底,扮到半死不活,睇住最活躍果條被撈走。 . 果一刻,班魚望我嘅眼神,好似我係預言家一樣。 . , 「你點解會知架?」「你好叻啊!」「我要封你做偶像。」 . 我點答好?唔通我講,我以前都係企喺出面,思考食你地邊條嘅。 . 好明顯唔得,所以我轉向一個更重要嘅話題:「當務之急,係諗點樣逃生。」 . 講完之後,我自己都有啲頭痛,如果我係雞係鴨,都可以諗點樣偷偷走出去。 . 但依加我係一條魚,就算我奮力一躍,跳出魚缸,都只會缺水而死。 . , 魚有咩好出路? 回歸大海自由自在,但我一來未搞清楚我係咸水魚定淡水魚,二來酒樓都無可能放生我。 . 仲有一條路,係俾人養,養到壽終正寢。 . 假如呢一刻,有個闊佬睇中咗我,想包養我,酒樓都應該肯賣。 . 但我地又唔係色彩斑斕嘅靚魚,點會有人想養? . 唉,做人樣衰,都只係追唔到女仔;做魚樣衰,分分鐘連命仔都無埋。 . 外在美唔係咁得,就要令人留意我嘅內在美。 . 待續... . #短故 #短篇 #小說 #陳美濤 #廣東話 #粵語 #我係酒樓魚缸入面果條魚 #tomatochan

Share 0 10
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 拯救咗地球,之後呢?(下)
.
與其拍賣,我應該研究下大魔王嘅隨身物品,
.
既然我嘅超能力同佢相生相剋,話唔定喺佢嘅物品入面,
我可以搵到辦法,改進我嘅超能力。
.
聽起上黎,係咪十分合理?
.
講就易,我又唔係科學家,都唔知應該點樣研究,
我將啲野翻黎覆去咁睇,都無睇出乜野特別之處。
. ,
翻下翻下,部手機突然開咗機。
.
嘩,外星手機果然係先進啲,十年無叉電,都仲開到機。
.
如果我掌握到呢個科技,會唔會發達?
.
但咁就意味住,我要將部手機交出去畀人研究,我點保障到自己嘅利益。
.
唉,做過一次末路英雄,再都唔敢信其他人。
. ,
無意中撳到手機嘅電話簿,我打畀其中一個電話號碼:「喂。」
.
估唔到真係有人......外星人聽:「你邊位?聽你把聲,唔係我地嘅子民,
你執到我地嘅電話,就應該還番畀警署,拾遺不報要罰款架......」
.
果個星球嘅人有自動翻譯系統,根據對方嘅聲音,自動將自己發出嘅聲音,改變成對方聽得明嘅語言。
.
當日就係因為咁,我先可以同大魔王溝通,知道佢買唔起樓。
. ,
我答:「我係地球人。」
.
對方呆一呆,即刻明晒:「我地嘅子民出去搵錢果陣,漏咗部手機?」
.
「都算係......我殺咗你地嘅子民。」
.
我講完呢句,估唔到對方只係好平淡咁答:
「哦,原來係『天命者』。由於我地破壞力太大,所以去到某個星球後,天道為咗平衡,就會出現可以消滅我地嘅『天命者』。
唉,我地每次出去搵錢,都係搵命搏架......」
.
對方吐咗一輪苦水,睇黎呢隻外星人十分囉嗦。
.
我突然昇起一個念頭:「如果『天命者』容許你黎搵食呢?」
.
對方呆一呆,我解釋:「我畀你黎地球,吸取人類嘅時間,我唔會殺你。」
.
「咁著數?」
. ,
好快,我就同呢隻外星人達成協議,
.
佢坐太空船黎地球「搵錢」,吸取人類嘅時間,但又唔吸晒,唔整死人。
.
而我就追殺佢,每次都「差啲啲」俾佢走甩。
.
佢逃脫後,再喺另一個地方出現,我又去追殺佢......
.
我嘅時代終於來臨,去到邊都受到熱烈歡迎,財源滾滾。
.
有人懷疑我,係咪特登唔殺外星人,但係懷疑又點?咪一樣要靠我。
. ,
就算今日所有人奉承你、尊敬你,但無人保證到聽日會點,
.
未來,要掌握喺自己手上。
.
-完-
.
#短故 #短篇 #小說 #陳美濤 #廣東話 #粵語 #拯救咗地球 #tomatochan

拯救咗地球,之後呢?(下) . 與其拍賣,我應該研究下大魔王嘅隨身物品, . 既然我嘅超能力同佢相生相剋,話唔定喺佢嘅物品入面, 我可以搵到辦法,改進我嘅超能力。 . 聽起上黎,係咪十分合理? . 講就易,我又唔係科學家,都唔知應該點樣研究, 我將啲野翻黎覆去咁睇,都無睇出乜野特別之處。 . , 翻下翻下,部手機突然開咗機。 . 嘩,外星手機果然係先進啲,十年無叉電,都仲開到機。 . 如果我掌握到呢個科技,會唔會發達? . 但咁就意味住,我要將部手機交出去畀人研究,我點保障到自己嘅利益。 . 唉,做過一次末路英雄,再都唔敢信其他人。 . , 無意中撳到手機嘅電話簿,我打畀其中一個電話號碼:「喂。」 . 估唔到真係有人......外星人聽:「你邊位?聽你把聲,唔係我地嘅子民, 你執到我地嘅電話,就應該還番畀警署,拾遺不報要罰款架......」 . 果個星球嘅人有自動翻譯系統,根據對方嘅聲音,自動將自己發出嘅聲音,改變成對方聽得明嘅語言。 . 當日就係因為咁,我先可以同大魔王溝通,知道佢買唔起樓。 . , 我答:「我係地球人。」 . 對方呆一呆,即刻明晒:「我地嘅子民出去搵錢果陣,漏咗部手機?」 . 「都算係......我殺咗你地嘅子民。」 . 我講完呢句,估唔到對方只係好平淡咁答: 「哦,原來係『天命者』。由於我地破壞力太大,所以去到某個星球後,天道為咗平衡,就會出現可以消滅我地嘅『天命者』。 唉,我地每次出去搵錢,都係搵命搏架......」 . 對方吐咗一輪苦水,睇黎呢隻外星人十分囉嗦。 . 我突然昇起一個念頭:「如果『天命者』容許你黎搵食呢?」 . 對方呆一呆,我解釋:「我畀你黎地球,吸取人類嘅時間,我唔會殺你。」 . 「咁著數?」 . , 好快,我就同呢隻外星人達成協議, . 佢坐太空船黎地球「搵錢」,吸取人類嘅時間,但又唔吸晒,唔整死人。 . 而我就追殺佢,每次都「差啲啲」俾佢走甩。 . 佢逃脫後,再喺另一個地方出現,我又去追殺佢...... . 我嘅時代終於來臨,去到邊都受到熱烈歡迎,財源滾滾。 . 有人懷疑我,係咪特登唔殺外星人,但係懷疑又點?咪一樣要靠我。 . , 就算今日所有人奉承你、尊敬你,但無人保證到聽日會點, . 未來,要掌握喺自己手上。 . -完- . #短故 #短篇 #小說 #陳美濤 #廣東話 #粵語 #拯救咗地球 #tomatochan

Share 3 9
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 拯救咗地球,之後呢?(上)
.
望住高企嘅樓價,再望下自己嘅銀行戶口,我覺得好嬲。
.
我知,大部份人都買唔起樓架啦,但果個唔應該係我。
. ,
呢件事要從十年前講起,當年地球出現咗一隻外星生物,暫且稱佢為大魔王。
.
大魔王刀槍不入、百毒不侵,係基本野黎。
.
問題係,大魔王去到嘅任何地方,所有人都會急速老化,直至死亡。
.
各地政府諗咗好多方法,都無辦法消滅或者阻止佢。
.
大魔王嘅降臨,好似滅世一樣,再咁落去,人類就會滅亡。
. ,
有魔王就當然有超人,機緣巧合下,我得咗一種超能力,可以消滅大魔王。
.
經過一番努力,點樣努力就唔使講啦,
.
同啲超人打怪獸片差唔多,一開始處於劣勢,
終極一戰非常熱血,終於消滅咗大魔王。
.
事後我一炮而紅,無數媒體搵我做訪問,一大堆牌子請我代言,美女獻身,紙醉金迷。
.
我努力享受生活,從來無諗過買退休保險,
畢竟我係全人類嘅救命恩人,下半世都應該唔使憂啦。
. ,
有啲收入高嘅人,以為自己一世都會咁高收入,所以賺到錢就用晒佢,唔會儲錢投資。
.
結果,咪好似我依加咁,人到中年,買唔起樓。
.
無錯,我依然可以話,我係拯救人類嘅英雄。
.
但廣告商話,我已經唔紅。
.
英雄,唔紅。
.
我想搵工,但當人地問我有咩工作經驗,唔通我答「英雄」?
.
依然有人認得我,但大家只會諗:「佢係英雄,我同佢影張合照擺上FB!」
.
唔會諗:「佢係英雄,我地應該畀錢佢買樓。」
.
牆倒眾人推,當我嘅熱潮過去,更加有死難者家屬出黎鬧我,點解唔早啲消滅大魔王,令佢地家人慘死。
. ,
我嘅超能力,係當我用手掌對住大魔王果陣,會發出一種光波,可以穿透佢嘅皮膚,
但對住其他人或物,都唔會發出光波。
.
我無比遺憾,點解我無印銀紙嘅超能力?
.
我喺度諗,可以點樣利用我嘅超能力。
.
諗番大魔王嘅背景先,據我十年前收集番黎嘅資料,佢係外星生物,佢個星球以「高等智慧生物嘅時間」為貨幣,
.
而果位大魔王喺星球屬於低下階層,又係買唔起樓果種啦。
.
為咗賺錢,佢上咗太空船,輾轉黎咗地球,透過吸取人類嘅時間黎賺錢。
.
唉,依加諗番起,真係同是天涯淪落人。
. ,
咁除咗超能力,我仲有咩優勢呢?
.
殺咗大魔王後,我順手拎走咗佢個背囊,諗住做個紀念。
.
背囊入面有一件外套同一部手機,咦,其實我可以賣咗呢啲野。
.
第一隻入侵地球嘅外星生物嘅外套、背囊、手機,聽落幾有噱頭。
.
我興沖沖咁諗住擺上網拍賣,但岩岩影完相,我又停咗手。
.
拍賣,賣得幾多錢?之後咪一樣坐食山空。
.
待續...
.
#短故 #短篇 #小說 #陳美濤 #廣東話 #粵語 #拯救咗地球 #tomatochan

拯救咗地球,之後呢?(上) . 望住高企嘅樓價,再望下自己嘅銀行戶口,我覺得好嬲。 . 我知,大部份人都買唔起樓架啦,但果個唔應該係我。 . , 呢件事要從十年前講起,當年地球出現咗一隻外星生物,暫且稱佢為大魔王。 . 大魔王刀槍不入、百毒不侵,係基本野黎。 . 問題係,大魔王去到嘅任何地方,所有人都會急速老化,直至死亡。 . 各地政府諗咗好多方法,都無辦法消滅或者阻止佢。 . 大魔王嘅降臨,好似滅世一樣,再咁落去,人類就會滅亡。 . , 有魔王就當然有超人,機緣巧合下,我得咗一種超能力,可以消滅大魔王。 . 經過一番努力,點樣努力就唔使講啦, . 同啲超人打怪獸片差唔多,一開始處於劣勢, 終極一戰非常熱血,終於消滅咗大魔王。 . 事後我一炮而紅,無數媒體搵我做訪問,一大堆牌子請我代言,美女獻身,紙醉金迷。 . 我努力享受生活,從來無諗過買退休保險, 畢竟我係全人類嘅救命恩人,下半世都應該唔使憂啦。 . , 有啲收入高嘅人,以為自己一世都會咁高收入,所以賺到錢就用晒佢,唔會儲錢投資。 . 結果,咪好似我依加咁,人到中年,買唔起樓。 . 無錯,我依然可以話,我係拯救人類嘅英雄。 . 但廣告商話,我已經唔紅。 . 英雄,唔紅。 . 我想搵工,但當人地問我有咩工作經驗,唔通我答「英雄」? . 依然有人認得我,但大家只會諗:「佢係英雄,我同佢影張合照擺上FB!」 . 唔會諗:「佢係英雄,我地應該畀錢佢買樓。」 . 牆倒眾人推,當我嘅熱潮過去,更加有死難者家屬出黎鬧我,點解唔早啲消滅大魔王,令佢地家人慘死。 . , 我嘅超能力,係當我用手掌對住大魔王果陣,會發出一種光波,可以穿透佢嘅皮膚, 但對住其他人或物,都唔會發出光波。 . 我無比遺憾,點解我無印銀紙嘅超能力? . 我喺度諗,可以點樣利用我嘅超能力。 . 諗番大魔王嘅背景先,據我十年前收集番黎嘅資料,佢係外星生物,佢個星球以「高等智慧生物嘅時間」為貨幣, . 而果位大魔王喺星球屬於低下階層,又係買唔起樓果種啦。 . 為咗賺錢,佢上咗太空船,輾轉黎咗地球,透過吸取人類嘅時間黎賺錢。 . 唉,依加諗番起,真係同是天涯淪落人。 . , 咁除咗超能力,我仲有咩優勢呢? . 殺咗大魔王後,我順手拎走咗佢個背囊,諗住做個紀念。 . 背囊入面有一件外套同一部手機,咦,其實我可以賣咗呢啲野。 . 第一隻入侵地球嘅外星生物嘅外套、背囊、手機,聽落幾有噱頭。 . 我興沖沖咁諗住擺上網拍賣,但岩岩影完相,我又停咗手。 . 拍賣,賣得幾多錢?之後咪一樣坐食山空。 . 待續... . #短故 #短篇 #小說 #陳美濤 #廣東話 #粵語 #拯救咗地球 #tomatochan

Share 0 8
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 眨吓眼,就畢業啦!
再眨吓眨吓眨吓,咁就一世。
.
#畢業 #hkgirl #hkig #hku #graduation #陳美濤 #tomatochan

眨吓眼,就畢業啦! 再眨吓眨吓眨吓,咁就一世。 . #畢業 #hkgirl #hkig #hku #graduation #陳美濤 #tomatochan

Share 24 105
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 突然患上人格分裂(下)
.
阿婆路線失敗,我要自己解決問題。
.
我真係唔想,有一日瞓醒,發現自己另一個人格殺咗人,然後我要陪佢坐監。
.
或者突然懷孕,原來另一個人格搞咗一夜情,
.
我就咁做咗單親媽媽,連BB爸爸係咩國籍都唔知,諗下都可怕。
. ,
為免另一個人格亂黎,我臨瞓前將房門反鎖,然後將條鎖匙由門縫推出去。
.
但係,另一個人格出現嘅時間愈黎愈唔規律,
.
第二日起身,我仲係我,唯有叫阿媽幫手開門。
.
阿媽開咗門,我又諗起,另一個人格都可以叫我阿媽開門,或者報警。
.
同埋我就算有辦法鎖住自己,唔通我成日唔番工?
. ,
我用盡各種方法,都解決唔到呢個問題,心力交瘁。
.
直到有一日,我突然意識到,搞咗咁耐,
另一個人格雖然無乜建樹,但都無做過咩過份野。
.
佢只係好乖咁日日番工、放工,番屋企食飯。
.
我鬆一口氣得黎,又有少少失望,
人地人格分裂,就分裂出變態殺手、天才畫家、野獸......
.
我就分裂出一個同我一樣咁悶嘅OL?
. ,
不過,日子耐咗,我發現有多個人格都唔錯。
.
你地可能覺得,有一段時間無得操縱自己個身體,係好大問題。
.
但我生活實在唔精彩,只係番工放工,
間中人格分裂,對我黎講,只係多個人代我番工,又無咩唔好。
.
而我仲開始留紙條,同果個人格傾計。
.
傾傾下,發現我地都幾多共同興趣,例如,我地對大部份野都無乜興趣。
.
留紙條仲有個好處,就係一次只可以講一句野,好適合我呢種悶蛋。
.
我開始覺得,我搵到呢個世界上,唯一一個完全了解我,唔嫌棄我嘅對象。
.
可能,呢種就叫Soul mate,靈魂伴侶,
.
喺我身體入面嘅另一個靈魂,做我嘅伴侶。
. ,
過咗幾個月,阿婆好開心咁黎搵我:
「小欣,三姨婆個侄仔係外國做精神科醫生,呢排番咗香港,我同佢講妳嘅情況,佢話肯偷偷幫妳醫啊。」
.
「唔使啦婆婆,我已經好番啦。」
.
「真係架?」
.
「好番晒啦,依加我過得好開心。」
. ,
我的人格分裂已經康復了,
從此小欣和小欣快樂地生活在一起。
.
-完-
.
#短故 #短篇 #小說 #陳美濤 #廣東話 #粵語 #人格分裂 #tomatochan

突然患上人格分裂(下) . 阿婆路線失敗,我要自己解決問題。 . 我真係唔想,有一日瞓醒,發現自己另一個人格殺咗人,然後我要陪佢坐監。 . 或者突然懷孕,原來另一個人格搞咗一夜情, . 我就咁做咗單親媽媽,連BB爸爸係咩國籍都唔知,諗下都可怕。 . , 為免另一個人格亂黎,我臨瞓前將房門反鎖,然後將條鎖匙由門縫推出去。 . 但係,另一個人格出現嘅時間愈黎愈唔規律, . 第二日起身,我仲係我,唯有叫阿媽幫手開門。 . 阿媽開咗門,我又諗起,另一個人格都可以叫我阿媽開門,或者報警。 . 同埋我就算有辦法鎖住自己,唔通我成日唔番工? . , 我用盡各種方法,都解決唔到呢個問題,心力交瘁。 . 直到有一日,我突然意識到,搞咗咁耐, 另一個人格雖然無乜建樹,但都無做過咩過份野。 . 佢只係好乖咁日日番工、放工,番屋企食飯。 . 我鬆一口氣得黎,又有少少失望, 人地人格分裂,就分裂出變態殺手、天才畫家、野獸...... . 我就分裂出一個同我一樣咁悶嘅OL? . , 不過,日子耐咗,我發現有多個人格都唔錯。 . 你地可能覺得,有一段時間無得操縱自己個身體,係好大問題。 . 但我生活實在唔精彩,只係番工放工, 間中人格分裂,對我黎講,只係多個人代我番工,又無咩唔好。 . 而我仲開始留紙條,同果個人格傾計。 . 傾傾下,發現我地都幾多共同興趣,例如,我地對大部份野都無乜興趣。 . 留紙條仲有個好處,就係一次只可以講一句野,好適合我呢種悶蛋。 . 我開始覺得,我搵到呢個世界上,唯一一個完全了解我,唔嫌棄我嘅對象。 . 可能,呢種就叫Soul mate,靈魂伴侶, . 喺我身體入面嘅另一個靈魂,做我嘅伴侶。 . , 過咗幾個月,阿婆好開心咁黎搵我: 「小欣,三姨婆個侄仔係外國做精神科醫生,呢排番咗香港,我同佢講妳嘅情況,佢話肯偷偷幫妳醫啊。」 . 「唔使啦婆婆,我已經好番啦。」 . 「真係架?」 . 「好番晒啦,依加我過得好開心。」 . , 我的人格分裂已經康復了, 從此小欣和小欣快樂地生活在一起。 . -完- . #短故 #短篇 #小說 #陳美濤 #廣東話 #粵語 #人格分裂 #tomatochan

Share 3 15
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 突然患上人格分裂(上)
.
我叫小欣,係一個......好悶嘅女仔,所有前度男友分手果陣都係咁講。
.
我個樣唔差,亦無乜壞習慣,但無一段感情可以長久,就係因為我太悶。
.
我唔鍾意行街、睇戲、做運動、睇書......亦無鍾意食嘅野。
.
對所有野都無乜興趣,當然就無乜話題、無乜朋友。
.
拍拖果陣就......
. ,
「小欣,妳呢個星期過得點啊?」
「幾好。」
.
「有無咩特別事?」
「無。」
.
「尋日放假做咗啲乜?」
「食飯、瞓覺。」
.
「......妳同妳前度男友係點分手架?」
「正常分手。」
.
於是,我一次又一次地「被正常分手」。
. ,
我以為我一定會孤獨終老,直到有一日,我早上起身,發現今日係14號。
.
但係,尋日係12號,我完全無關於13號嘅記憶,
但據公司記錄,我13號好正常地番工放工。
.
我當自己記錯日子,但第二日再起身,係16號。
.
呢種「日子式斷片」持續咗兩個星期,我第一次對某件事尋根究底,開始上網搵資料,
得出一個結論:人格分裂。
.
「人格之間並沒有察覺彼此的存在,會導致嚴重的『遺失時間』現象......」
. ,
為咗了解呢件事,我買咗一堆影碟黎睇,乜野《24個比利》、《思‧裂》......愈睇愈驚。
.
臨瞓前,我戰戰兢兢咁寫咗張紙條,放喺枕頭邊。「妳是我嗎?」
.
再起身果陣,真係有回覆:「是的。」
.
今次玩完,雖然我期望有少少特別嘅野發生,令我變得無咁悶,但我無諗過玩到咁大。
.
情況就好似,你希望拎到諾貝爾醫學獎,成為醫學史上有名嘅人物,
.
結果你患上咗全球首例嘅罕見絕症,果隻病以你命名......都係醫學史上有名嘅人物,
即係林維喜都叫歷史人物。
. ,
醫生我就唔敢睇,驚俾人捉去做實驗,或者入精神病院強制治療。
.
我將呢件事話畀最信任嘅阿婆知,阿婆話我實係鬼上身,帶我番鄉下搵神婆。
.
神婆整咗啲香爐灰水畀我,話飲一劑,就三日都唔會鬼上身。
.
真係有效架,我飲完之後喺醫院瞓咗三日,保證乜都上唔到身。
.
阿婆路線失敗,我要自己解決問題。
.
待續...
.
#短故 #短篇 #小說 #陳美濤 #廣東話 #粵語 #人格分裂 #tomatochan

突然患上人格分裂(上) . 我叫小欣,係一個......好悶嘅女仔,所有前度男友分手果陣都係咁講。 . 我個樣唔差,亦無乜壞習慣,但無一段感情可以長久,就係因為我太悶。 . 我唔鍾意行街、睇戲、做運動、睇書......亦無鍾意食嘅野。 . 對所有野都無乜興趣,當然就無乜話題、無乜朋友。 . 拍拖果陣就...... . , 「小欣,妳呢個星期過得點啊?」 「幾好。」 . 「有無咩特別事?」 「無。」 . 「尋日放假做咗啲乜?」 「食飯、瞓覺。」 . 「......妳同妳前度男友係點分手架?」 「正常分手。」 . 於是,我一次又一次地「被正常分手」。 . , 我以為我一定會孤獨終老,直到有一日,我早上起身,發現今日係14號。 . 但係,尋日係12號,我完全無關於13號嘅記憶, 但據公司記錄,我13號好正常地番工放工。 . 我當自己記錯日子,但第二日再起身,係16號。 . 呢種「日子式斷片」持續咗兩個星期,我第一次對某件事尋根究底,開始上網搵資料, 得出一個結論:人格分裂。 . 「人格之間並沒有察覺彼此的存在,會導致嚴重的『遺失時間』現象......」 . , 為咗了解呢件事,我買咗一堆影碟黎睇,乜野《24個比利》、《思‧裂》......愈睇愈驚。 . 臨瞓前,我戰戰兢兢咁寫咗張紙條,放喺枕頭邊。「妳是我嗎?」 . 再起身果陣,真係有回覆:「是的。」 . 今次玩完,雖然我期望有少少特別嘅野發生,令我變得無咁悶,但我無諗過玩到咁大。 . 情況就好似,你希望拎到諾貝爾醫學獎,成為醫學史上有名嘅人物, . 結果你患上咗全球首例嘅罕見絕症,果隻病以你命名......都係醫學史上有名嘅人物, 即係林維喜都叫歷史人物。 . , 醫生我就唔敢睇,驚俾人捉去做實驗,或者入精神病院強制治療。 . 我將呢件事話畀最信任嘅阿婆知,阿婆話我實係鬼上身,帶我番鄉下搵神婆。 . 神婆整咗啲香爐灰水畀我,話飲一劑,就三日都唔會鬼上身。 . 真係有效架,我飲完之後喺醫院瞓咗三日,保證乜都上唔到身。 . 阿婆路線失敗,我要自己解決問題。 . 待續... . #短故 #短篇 #小說 #陳美濤 #廣東話 #粵語 #人格分裂 #tomatochan

Share 0 10
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 穿越做白雪公主個阿媽(下)
.
我長嘆一聲,將手上把刀遠遠扔開。
.
白雪公主驚訝:「妳唔殺我?我以為妳一直嫉妒我同父王......」
.
作為一個現代人,我真係無辦法狠心殺人,
.
何況殺咗佢,都唔代表我走得甩,
獵人擺明唔會放過我地,只係等我地自相殘殺,享受貓戲弄老鼠嘅樂趣啫。
.
白雪公主好感動:「母后,妳始終顧及母女親情。」
.
然後,佢喺床邊撳咗兩下,張床就移開咗,露出一條祕道。
.
「呢條祕道,得我同父王先知。」白雪公主講完,小心翼翼咁望一望,怕我呷醋。
.
唉,我同果個男人只係點頭之交,有咩好呷醋。
. ,
趁獵人未發現,我同白雪公主由祕道逃出宮外。
.
我租咗間小屋,但我帶出黎嘅錢唔多,已經捉襟見肘。
.
公主仲要日日講:「我地一定要復國,幫父王報仇!」
.
下,我仲諗緊我剩低果啲錢,夠我地生活幾耐。
.
公主望住我:「母后,你會幫我架可?」
.
「唔係唔想幫,只係......」
我委婉拒絕:「我地兩個女人,做得啲乜?」
.
「我地有祕密武器。」
白雪公主指住自己白雪雪嘅臉:「男人征服世界,女人靠征服男人黎征服世界。」
. ,
係喎,公主應該嫁畀王子,
.
格林原著入面,王子雖然係因為戀屍癖帶走公主,
但公主復活之後,糾纏咗一輪,王子都愛上咗佢。
.
如果公主嫁咗,憑王子嘅力量復國,咁我都可以做太后,繼續錦衣玉食。
.
經過獵人果件事,我對愛情已經徹底失望,
.
我唔想再過,呢種要煩夠唔夠錢交租嘅生活,穿越女總要闖一番事業!
. ,
我同公主搬咗去七小矮人果個森林,守株待兔,終於等到鄰國王子經過。
.
公主即刻扮死,王子就帶走咗佢。
.
過咗一輪,我聽聞王子要娶白雪公主,果然係按照劇情咁發展!
.
我滿心歡喜咁去搵公主,問佢打算幾時復國。
.
「呃,做人都係要忘記過去,展望將來嘅。」
公主講出真相:「我依加做王妃幾好,何必冒險?」
.
好啦,唔復國就唔復國,但我點算?
.
「母后,出嫁女同阿媽一齊住,唔係幾好。」
公主支支吾吾:「不如我畀筆錢妳,幫妳搞埋呢邊嘅身份證,妳出宮過自由自在嘅生活啦。」
.
白雪公主二話不說,塞咗少少錢畀我,就趕咗我出宮。
.
果筆錢,大概夠我交兩個月租啦。
. ,
可惜,古代無廣告公司。
.
除咗做廣告,我乜都唔識,
我只好搵份洗碗工,維持生計,仲辛苦過以前朝九晚十做廣告。
.
我唔係無諗過創一番事業架,通常穿越者會整炮彈、造紙......技驚四座嘅。
.
但如果我識整炮彈,我未穿越之前,就唔會係一個普通打工仔啦。
.
穿越根本唔會改變任何野,除咗無冷氣無得煲劇之外。
. ,
是金子,總會發光;
是金子,早就發咗光。
.
-完-
.
#短故 #短篇 #小說 #陳美濤 #廣東話 #粵語 #穿越做白雪公主個阿媽

穿越做白雪公主個阿媽(下) . 我長嘆一聲,將手上把刀遠遠扔開。 . 白雪公主驚訝:「妳唔殺我?我以為妳一直嫉妒我同父王......」 . 作為一個現代人,我真係無辦法狠心殺人, . 何況殺咗佢,都唔代表我走得甩, 獵人擺明唔會放過我地,只係等我地自相殘殺,享受貓戲弄老鼠嘅樂趣啫。 . 白雪公主好感動:「母后,妳始終顧及母女親情。」 . 然後,佢喺床邊撳咗兩下,張床就移開咗,露出一條祕道。 . 「呢條祕道,得我同父王先知。」白雪公主講完,小心翼翼咁望一望,怕我呷醋。 . 唉,我同果個男人只係點頭之交,有咩好呷醋。 . , 趁獵人未發現,我同白雪公主由祕道逃出宮外。 . 我租咗間小屋,但我帶出黎嘅錢唔多,已經捉襟見肘。 . 公主仲要日日講:「我地一定要復國,幫父王報仇!」 . 下,我仲諗緊我剩低果啲錢,夠我地生活幾耐。 . 公主望住我:「母后,你會幫我架可?」 . 「唔係唔想幫,只係......」 我委婉拒絕:「我地兩個女人,做得啲乜?」 . 「我地有祕密武器。」 白雪公主指住自己白雪雪嘅臉:「男人征服世界,女人靠征服男人黎征服世界。」 . , 係喎,公主應該嫁畀王子, . 格林原著入面,王子雖然係因為戀屍癖帶走公主, 但公主復活之後,糾纏咗一輪,王子都愛上咗佢。 . 如果公主嫁咗,憑王子嘅力量復國,咁我都可以做太后,繼續錦衣玉食。 . 經過獵人果件事,我對愛情已經徹底失望, . 我唔想再過,呢種要煩夠唔夠錢交租嘅生活,穿越女總要闖一番事業! . , 我同公主搬咗去七小矮人果個森林,守株待兔,終於等到鄰國王子經過。 . 公主即刻扮死,王子就帶走咗佢。 . 過咗一輪,我聽聞王子要娶白雪公主,果然係按照劇情咁發展! . 我滿心歡喜咁去搵公主,問佢打算幾時復國。 . 「呃,做人都係要忘記過去,展望將來嘅。」 公主講出真相:「我依加做王妃幾好,何必冒險?」 . 好啦,唔復國就唔復國,但我點算? . 「母后,出嫁女同阿媽一齊住,唔係幾好。」 公主支支吾吾:「不如我畀筆錢妳,幫妳搞埋呢邊嘅身份證,妳出宮過自由自在嘅生活啦。」 . 白雪公主二話不說,塞咗少少錢畀我,就趕咗我出宮。 . 果筆錢,大概夠我交兩個月租啦。 . , 可惜,古代無廣告公司。 . 除咗做廣告,我乜都唔識, 我只好搵份洗碗工,維持生計,仲辛苦過以前朝九晚十做廣告。 . 我唔係無諗過創一番事業架,通常穿越者會整炮彈、造紙......技驚四座嘅。 . 但如果我識整炮彈,我未穿越之前,就唔會係一個普通打工仔啦。 . 穿越根本唔會改變任何野,除咗無冷氣無得煲劇之外。 . , 是金子,總會發光; 是金子,早就發咗光。 . -完- . #短故 #短篇 #小說 #陳美濤 #廣東話 #粵語 #穿越做白雪公主個阿媽

Share 0 8
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 穿越做白雪公主個阿媽(中)
.
國王係唔可以指望了,書中嘅另一個男主角係王子。
.
我照下塊鏡,都算係美人,不過就成熟少少,唔知王子鍾唔鍾意呢款呢?
.
一係我去個森林搵小矮人,再扮死瞓玻璃棺,等王子黎接我?
. ,
突然間,我諗番我睇過嘅原版格林童話,
王子會接走白雪公主,好似因為佢有戀屍癖,
.
連七小矮人收留白雪公主,都有不可告人嘅關係。
.
天啊,我只係想搵個正常老公啫,
點解成本書無論男主角、男配角,都無一個係正常?
.
我重新諗一次個故事,咪住先,仲有......獵人!帶白雪公主去森林果個。
.
佢唔捨得殺白雪公主,證明唔係殺人唔眨眼嘅變態;
又無叫公主獻身賄賂,都幾有道德。
. ,
諗到呢度,我就叫咗宮中嘅御用獵人黎。
.
嘩,真係一表人才,加埋常年運動,衫下若隱若現嘅六塊腹肌......好過果個淫蟲國王多多聲。
.
我一開始就對住獵人扮可憐,講國王同白雪公主嘅姦情,我嘅婚姻點樣不幸。
.
獵人初時手足無措,只係講啲無謂野安慰我。
.
我就成日召佢黎傾計,好彩國王掛住同白雪公主花天酒地,都無乜理過我。
.
慢慢,我感覺到獵人對我產生咗感情。
.
「不如你帶我走。」我含情脈脈咁望住佢:
「我願意放棄榮華富貴,只係想離開呢個冰冷冷嘅宮殿,同你一生一世一雙人。」
.
獵人無即刻同意,之後我扮可憐扮生無可戀,佢終於點頭。
. ,
「妳貴為王后,要出宮唔係一朝一夕嘅事。」獵人諗咗好耐,提出咗一個計劃。
.
我利用我管理內宮嘅權力,慢慢將宮中侍衛嘅首領,換成獵人嘅兄弟。
.
到時佢地睜一隻眼閉一隻眼,放我出宮,仲可以暗裡阻止國王追殺我。
.
我配合獵人嘅行動,逐步換走啲侍衛,終於等到同獵人約定嘅日子。
. ,
「跟我走。」我揹住包袱,獵人拖住我隻手,中途無遇到任何障礙。
.
我望下條路,似乎係行去國王間房:「咦,點解唔係出宮嘅?」
.
獵人無答我,行多幾步,眼前出現咗一隊侍衛,
.
獵人一腳踢開道門,衝入去,一刀砍死未反應得切嘅國王。
.
圓滾滾嘅人頭滾到我腳下,我先意識到,獵人根本唔係黎帶我出宮。
.
獵人笑住解釋,原來佢係鄰國嘅間碟,一開始就係想利用我黎謀朝篡位。
.
我真係太傻,一個普通嘅獵人,點會有咁多「兄弟」?
.
甚至小說入面,佢放過白雪公主,可能都係想留條後路,等心懷仇恨嘅公主番黎報復。
.
獵人扔咗把刀畀我,冷笑:「妳既然咁憎白雪公主,就畀個機會妳報仇,當多謝妳嘅『恩德』。」
.
然後,佢同所有侍衛一齊走出去,鎖埋道門,剩番我同發抖嘅白雪公主。
.
待續...
.
#短故 #短篇 #小說 #陳美濤 #廣東話 #粵語 #穿越做白雪公主個阿媽 #tomatochan

穿越做白雪公主個阿媽(中) . 國王係唔可以指望了,書中嘅另一個男主角係王子。 . 我照下塊鏡,都算係美人,不過就成熟少少,唔知王子鍾唔鍾意呢款呢? . 一係我去個森林搵小矮人,再扮死瞓玻璃棺,等王子黎接我? . , 突然間,我諗番我睇過嘅原版格林童話, 王子會接走白雪公主,好似因為佢有戀屍癖, . 連七小矮人收留白雪公主,都有不可告人嘅關係。 . 天啊,我只係想搵個正常老公啫, 點解成本書無論男主角、男配角,都無一個係正常? . 我重新諗一次個故事,咪住先,仲有......獵人!帶白雪公主去森林果個。 . 佢唔捨得殺白雪公主,證明唔係殺人唔眨眼嘅變態; 又無叫公主獻身賄賂,都幾有道德。 . , 諗到呢度,我就叫咗宮中嘅御用獵人黎。 . 嘩,真係一表人才,加埋常年運動,衫下若隱若現嘅六塊腹肌......好過果個淫蟲國王多多聲。 . 我一開始就對住獵人扮可憐,講國王同白雪公主嘅姦情,我嘅婚姻點樣不幸。 . 獵人初時手足無措,只係講啲無謂野安慰我。 . 我就成日召佢黎傾計,好彩國王掛住同白雪公主花天酒地,都無乜理過我。 . 慢慢,我感覺到獵人對我產生咗感情。 . 「不如你帶我走。」我含情脈脈咁望住佢: 「我願意放棄榮華富貴,只係想離開呢個冰冷冷嘅宮殿,同你一生一世一雙人。」 . 獵人無即刻同意,之後我扮可憐扮生無可戀,佢終於點頭。 . , 「妳貴為王后,要出宮唔係一朝一夕嘅事。」獵人諗咗好耐,提出咗一個計劃。 . 我利用我管理內宮嘅權力,慢慢將宮中侍衛嘅首領,換成獵人嘅兄弟。 . 到時佢地睜一隻眼閉一隻眼,放我出宮,仲可以暗裡阻止國王追殺我。 . 我配合獵人嘅行動,逐步換走啲侍衛,終於等到同獵人約定嘅日子。 . , 「跟我走。」我揹住包袱,獵人拖住我隻手,中途無遇到任何障礙。 . 我望下條路,似乎係行去國王間房:「咦,點解唔係出宮嘅?」 . 獵人無答我,行多幾步,眼前出現咗一隊侍衛, . 獵人一腳踢開道門,衝入去,一刀砍死未反應得切嘅國王。 . 圓滾滾嘅人頭滾到我腳下,我先意識到,獵人根本唔係黎帶我出宮。 . 獵人笑住解釋,原來佢係鄰國嘅間碟,一開始就係想利用我黎謀朝篡位。 . 我真係太傻,一個普通嘅獵人,點會有咁多「兄弟」? . 甚至小說入面,佢放過白雪公主,可能都係想留條後路,等心懷仇恨嘅公主番黎報復。 . 獵人扔咗把刀畀我,冷笑:「妳既然咁憎白雪公主,就畀個機會妳報仇,當多謝妳嘅『恩德』。」 . 然後,佢同所有侍衛一齊走出去,鎖埋道門,剩番我同發抖嘅白雪公主。 . 待續... . #短故 #短篇 #小說 #陳美濤 #廣東話 #粵語 #穿越做白雪公主個阿媽 #tomatochan

Share 1 8
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 穿越做白雪公主個阿媽(上)
.
我叫阿珍,喺廣告公司打工,工時好長,
唔好以為我係普通嘅打工仔,我都有夢想架,
.
我放假鍾意睇小說,特別係穿越小說,
.
成日都幻想自己可以穿越做靚女,迷倒天下美男。
.
唉,我都知道,以我副尊容,除非穿越,否則點打扮都做唔到靚女。
. ,
一朝起身,我發生自己喺一間陌生嘅華麗房間,
我即刻照鏡,真係變咗個靚女,
.
然後一堆侍女魚貫而入,叫我「王后」。
.
嘩,唔止穿越做靚女,仲做埋王后,真係無得彈。
.
旁敲側擊咁打聽,我知道王后三十幾歲,國王無仔,只有一個女,叫白雪公主。
.
白雪公主?咁我咪即係果個惡毒後母,
第日公主嫁畀王子,就會報復整死我?
. ,
當務之急,我應該趕快生個王子,鞏固地位,第日做太后。
.
而白雪公主大個咗,咪好好地嫁出去,兩不相干囉。
.
我覺得原本個王后簡直係傻嘅,一個公主,遲早要嫁,你搞佢做乜啫?
.
訂下咗人生計劃,就一步步執行,個國王幾靚仔,同佢生仔都應該幾幸福。
.
但係等咗幾晚,國王都無黎過我間房。
.
我有啲心急,但我初初穿越,唔知佢地之前點相處,又唔敢去問:「你做乜唔黎?」
.
不過,聽講宮裡面無其他妃子,一夫一妻,國王又好少出宮,應該係專一嘅。
. ,
生仔大計無辦法即刻執行,我就打算討好下白雪公主先,
始終佢有主角光環,痴住佢肯定有著數。
.
夜晚,我親手整咗宵夜,送去白雪公主間房。
.
白雪公主開門,見佢身上剩係包咗條毛巾,我有啲尷尬,點估到撞岩佢沖緊涼。
.
「我整咗啲野食,妳試下丫。」
.
一隻男人嘅手伸出黎,接過盒宵夜......係國王!半裸嘅國王!
.
「王后有心啦。」
國王敷衍咁望咗我一眼,就轉身錫咗白雪公主一啖:「BB乖啦,一陣先食。」
.
「唔制,我要依加食。」
. ,
見佢地旁若無人咁親熱,我嚇到呆咗,直到道門關咗,我先反應過黎。
.
白雪公主同國王......亂倫?而且睇佢地毫不心虛嘅反應,本來嘅王后應該知呢件事。
.
我突然諗起一件事,我地所知道「後母嫉妒美貌殺人」嘅故仔,只係美化後嘅童話;
.
傳聞格林兄弟原始嘅版本,王后係白雪公主嘅親生阿媽,因為國王同公主亂倫,先想殺公主。
.
唔通我唔係穿越去童話版,而係穿越咗去原始版?
.
都話架啦,邊有人咁無聊,見到有人靚過自己,就不顧風險咁追殺。
.
但係搶老公,就完全係另一回事。
. ,
我應該點算?
.
謀殺白雪公主?歷史已經證明咗會失敗。
.
同自己個親生女爭老公?呢件事實在太嘔心,
.
坦白講,睇完岩岩果一幕,就算呢一刻國王跪喺我面前,浪子回頭,
我都唔想再接近佢,遑論同佢生仔。
.
國王係唔可以指望了,書中嘅另一個男主角係王子。
.
待續...
.
#短故 #短篇 #小說 #陳美濤 #廣東話 #粵語 #穿越做白雪公主個阿媽 #tomatochan

穿越做白雪公主個阿媽(上) . 我叫阿珍,喺廣告公司打工,工時好長, 唔好以為我係普通嘅打工仔,我都有夢想架, . 我放假鍾意睇小說,特別係穿越小說, . 成日都幻想自己可以穿越做靚女,迷倒天下美男。 . 唉,我都知道,以我副尊容,除非穿越,否則點打扮都做唔到靚女。 . , 一朝起身,我發生自己喺一間陌生嘅華麗房間, 我即刻照鏡,真係變咗個靚女, . 然後一堆侍女魚貫而入,叫我「王后」。 . 嘩,唔止穿越做靚女,仲做埋王后,真係無得彈。 . 旁敲側擊咁打聽,我知道王后三十幾歲,國王無仔,只有一個女,叫白雪公主。 . 白雪公主?咁我咪即係果個惡毒後母, 第日公主嫁畀王子,就會報復整死我? . , 當務之急,我應該趕快生個王子,鞏固地位,第日做太后。 . 而白雪公主大個咗,咪好好地嫁出去,兩不相干囉。 . 我覺得原本個王后簡直係傻嘅,一個公主,遲早要嫁,你搞佢做乜啫? . 訂下咗人生計劃,就一步步執行,個國王幾靚仔,同佢生仔都應該幾幸福。 . 但係等咗幾晚,國王都無黎過我間房。 . 我有啲心急,但我初初穿越,唔知佢地之前點相處,又唔敢去問:「你做乜唔黎?」 . 不過,聽講宮裡面無其他妃子,一夫一妻,國王又好少出宮,應該係專一嘅。 . , 生仔大計無辦法即刻執行,我就打算討好下白雪公主先, 始終佢有主角光環,痴住佢肯定有著數。 . 夜晚,我親手整咗宵夜,送去白雪公主間房。 . 白雪公主開門,見佢身上剩係包咗條毛巾,我有啲尷尬,點估到撞岩佢沖緊涼。 . 「我整咗啲野食,妳試下丫。」 . 一隻男人嘅手伸出黎,接過盒宵夜......係國王!半裸嘅國王! . 「王后有心啦。」 國王敷衍咁望咗我一眼,就轉身錫咗白雪公主一啖:「BB乖啦,一陣先食。」 . 「唔制,我要依加食。」 . , 見佢地旁若無人咁親熱,我嚇到呆咗,直到道門關咗,我先反應過黎。 . 白雪公主同國王......亂倫?而且睇佢地毫不心虛嘅反應,本來嘅王后應該知呢件事。 . 我突然諗起一件事,我地所知道「後母嫉妒美貌殺人」嘅故仔,只係美化後嘅童話; . 傳聞格林兄弟原始嘅版本,王后係白雪公主嘅親生阿媽,因為國王同公主亂倫,先想殺公主。 . 唔通我唔係穿越去童話版,而係穿越咗去原始版? . 都話架啦,邊有人咁無聊,見到有人靚過自己,就不顧風險咁追殺。 . 但係搶老公,就完全係另一回事。 . , 我應該點算? . 謀殺白雪公主?歷史已經證明咗會失敗。 . 同自己個親生女爭老公?呢件事實在太嘔心, . 坦白講,睇完岩岩果一幕,就算呢一刻國王跪喺我面前,浪子回頭, 我都唔想再接近佢,遑論同佢生仔。 . 國王係唔可以指望了,書中嘅另一個男主角係王子。 . 待續... . #短故 #短篇 #小說 #陳美濤 #廣東話 #粵語 #穿越做白雪公主個阿媽 #tomatochan

Share 2 5
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 如果時光可以倒流(下)
.
「醜有乜所謂啫,你知唔知娶老婆最緊要係乜野?」
另一把聲出現,我望過去,係更老嘅自己。
.
「你好,我係十八年後嘅你。」
十八年笑一笑,再望向十年:「同埋八年後嘅你。」
.
十年皺眉:「你係咪想講,最緊要係志趣相投,唔係美貌?」
.
十八年擺擺手:「傻啦,最緊要係,人地肯嫁畀你。」
.
嘩,原來十八年後,我已經情場失意到呢個地步。
. ,
「我特登穿越番黎,就係要教訓下你地,乜野叫寧缺勿濫。」
出聲嘅,係另一個突然出現嘅靈魂。
.
我無奈:「你又係幾多年啊?」
.
「我係廿五年後嘅你,我話你知,寧願單身一世,千祈唔好娶果個八婆,佢又醜又惡......」廿五年數咗一大堆缺點。
.
然後,又有另一個靈魂出現,原來係廿五年零三個月,
佢反駁廿五年,話個老婆都幾好......
.
一個接一個,轉眼間,我間房塞滿晒未來嘅我,嘈到拆天,
每人都有唔同意見,個個都想說服過去嘅自己,改變歷史。
. ,
趁果班靈魂嘈緊交,我出咗去食早餐。
.
岩岩諗住食,一個滿面皺紋嘅阿伯突然喝住我:「唔好食!」
.
嚇到我連支叉都跌咗落地,唔通啲野食有毒?
.
我問阿伯:「你......又係我?」
.
「我係五十年後嘅你,就係因為你食埋晒啲垃圾食物,搞到我周身病痛。
嗱,我依加講個健康食譜畀你知,從此你就照住食啦......」阿伯講咗一大輪。
.
個食譜你地都估到,一定係一大堆唔好食嘅野。
.
我忍唔住問:「你依加要照住呢個食譜食?」睇黎我老咗都幾慘。
.
阿伯擺擺手:「我都半隻腳伸咗入棺材啦,依加先改飲食習慣有咩用,梗係鍾意食乜就食乜。
你仲後生,你改就會健康。」
.
聽到呢個答案,再諗起喺我屋企嘈緊交果堆靈魂,我終於明白我點解咁失敗,
.
因為無論邊個時期嘅我,都從來無諗過要付出,
只係希望過去嘅自己努力,自己坐享其成。
. ,
諗通咗呢個道理,有一瞬間,我真係以為自己會發奮圖強,惠及未來眾多個自己。
.
但望住眼前美味而唔健康嘅早餐,我都係忍唔住拎過隻叉,大快朵頤,無視阿伯嘅苦口婆心。
.
我亦都知道,當我再遇到「追唔到記錄簿」果堆女仔,
我都係會抵受唔住誘惑,再失敗多一次。
.
唉,唔通未來嘅自己講多兩句,我就會突然努力咩?
如果我係果種人,未來嘅我就成功咗,唔使回到過去嘈生晒。
. ,
知道未來,好多時都唔可以改變未來,
.
該失敗果陣,都係會失敗。
.
要改變嘅,從來都唔係過去,而係自己。
.
-完-
. 
#短故 #短篇 #小說 #陳美濤 #廣東話 #粵語 #如果時光可以倒流 #tomatochan

如果時光可以倒流(下) . 「醜有乜所謂啫,你知唔知娶老婆最緊要係乜野?」 另一把聲出現,我望過去,係更老嘅自己。 . 「你好,我係十八年後嘅你。」 十八年笑一笑,再望向十年:「同埋八年後嘅你。」 . 十年皺眉:「你係咪想講,最緊要係志趣相投,唔係美貌?」 . 十八年擺擺手:「傻啦,最緊要係,人地肯嫁畀你。」 . 嘩,原來十八年後,我已經情場失意到呢個地步。 . , 「我特登穿越番黎,就係要教訓下你地,乜野叫寧缺勿濫。」 出聲嘅,係另一個突然出現嘅靈魂。 . 我無奈:「你又係幾多年啊?」 . 「我係廿五年後嘅你,我話你知,寧願單身一世,千祈唔好娶果個八婆,佢又醜又惡......」廿五年數咗一大堆缺點。 . 然後,又有另一個靈魂出現,原來係廿五年零三個月, 佢反駁廿五年,話個老婆都幾好...... . 一個接一個,轉眼間,我間房塞滿晒未來嘅我,嘈到拆天, 每人都有唔同意見,個個都想說服過去嘅自己,改變歷史。 . , 趁果班靈魂嘈緊交,我出咗去食早餐。 . 岩岩諗住食,一個滿面皺紋嘅阿伯突然喝住我:「唔好食!」 . 嚇到我連支叉都跌咗落地,唔通啲野食有毒? . 我問阿伯:「你......又係我?」 . 「我係五十年後嘅你,就係因為你食埋晒啲垃圾食物,搞到我周身病痛。 嗱,我依加講個健康食譜畀你知,從此你就照住食啦......」阿伯講咗一大輪。 . 個食譜你地都估到,一定係一大堆唔好食嘅野。 . 我忍唔住問:「你依加要照住呢個食譜食?」睇黎我老咗都幾慘。 . 阿伯擺擺手:「我都半隻腳伸咗入棺材啦,依加先改飲食習慣有咩用,梗係鍾意食乜就食乜。 你仲後生,你改就會健康。」 . 聽到呢個答案,再諗起喺我屋企嘈緊交果堆靈魂,我終於明白我點解咁失敗, . 因為無論邊個時期嘅我,都從來無諗過要付出, 只係希望過去嘅自己努力,自己坐享其成。 . , 諗通咗呢個道理,有一瞬間,我真係以為自己會發奮圖強,惠及未來眾多個自己。 . 但望住眼前美味而唔健康嘅早餐,我都係忍唔住拎過隻叉,大快朵頤,無視阿伯嘅苦口婆心。 . 我亦都知道,當我再遇到「追唔到記錄簿」果堆女仔, 我都係會抵受唔住誘惑,再失敗多一次。 . 唉,唔通未來嘅自己講多兩句,我就會突然努力咩? 如果我係果種人,未來嘅我就成功咗,唔使回到過去嘈生晒。 . , 知道未來,好多時都唔可以改變未來, . 該失敗果陣,都係會失敗。 . 要改變嘅,從來都唔係過去,而係自己。 . -完- . #短故 #短篇 #小說 #陳美濤 #廣東話 #粵語 #如果時光可以倒流 #tomatochan

Share 1 11
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 如果時光可以倒流(上)
.
如果十年後嘅自己出現,你會同佢講乜野?
梗係六合彩號碼、股票走勢啦。
.
呢一刻,我望住呢個同我有九分相似嘅人,伸手摸一摸,佢真係無實體。
.
我更好奇嘅係:「十年後,我研發到時間旅行器?」
.
明明我嘅科學知識只限於「水煲到一百度會滾」,
唔通十年間,我突然打通咗任督二脈,變咗個天才科學家?
.
如果我真係咁勁,就唔使再問六合彩號碼啦,
研發時間旅行器喎,諾貝爾獎都等緊我。
. ,
十年後嘅我有啲無奈:「咪傻啦,十年後,時間旅行器面世,人人都有一個。
不過只可以回到過去,最多回十年,用靈魂狀態搵過去嘅自己。」
.
「即係只有我見到你?」我都估到我無咁勁。
.
十年點頭:「每個人,都只會見到自己嘅未來。時間旅行器一出,我就番黎搵你啦。」
.
唔使我追問,十年就講咗幾期六合彩號碼畀我知,仲有股票走勢,
佢真係做足準備,我地果然心靈相通。
.
「多謝你,我即刻去買。」我心情激動,我要做大富翁啦!
.
「唔使多謝,你好即係我好啫。」
. ,
我即刻開電腦,想上網買股票,點解個系統登入唔到?
連六合彩電話投注都死埋。
.
上FB一睇,就見到突發新聞報導。
.
原來十年後嘅今日,時間旅行器正式發售,
好多人一買咗就番黎搵十年前嘅自己,咁當然個個都問六合彩股票,
.
所以政府採取緊急措施,熄晒所有投機嘅系統,再作研究。
.
以前睇啲時間旅行電影,點解主角可以咁威,就係因為全世界得佢可以時間旅行。
.
無論一件事有幾勁,個個都可以做到,就會變得一啲都唔勁。
. ,
十年問:「咁點算啊?」
.
「你唔知,我點會知?你仲多我十年智慧哩。」我都好失望。
.
算啦,發達都只係夢想,我都係腳踏實地做人,
我就問:「咁你話我知,我十年後嘅女朋友係邊個啦,等我早啲搵到佢。」
.
十年點點頭:「我番去抄低畀你。」然後就消失咗。
.
我問你女朋友叫咩名,你仲要番去搵?唔可以直接講我知架咩?
. ,
無辦法,我只可以等。
.
果晚我瞓唔著,又緊張又期待,到底我嘅真命天女係邊個?
公司個小芳?舊同學Shirley?......
.
諗下諗下,十年終於出現,佢拎住一本簿:「嗱,我讀啲人名畀你知,你抄低啦。」
.
我又驚又喜,十年後我居然花心到有個後宮名冊?
.
十年嘆氣:「你咁開心做乜?呢本簿嘅名,全部都係你追過、暗戀過,但追唔到嘅女仔。
你抄低啲人名,再遇到呢班女仔,就唔好浪費時間追佢地啦。」
.
我呆咗:「所以十年後我仲未有女朋友?」
.
十年猶豫咗一陣:「可能你唔花時間追呢班女仔,追其他女仔,會有收獲掛。」
.
我追問:「咁二十年後嘅自己呢?無番黎搵你?」
.
十年支支吾吾:「八年後,我係娶到個老婆嘅,但聽講個老婆幾醜樣,我希望你可以改變未來啦。」
.
待續...
.
#短故 #短篇 #小說 #陳美濤 #廣東話 #粵語 #如果時光可以倒流 #tomatochan

如果時光可以倒流(上) . 如果十年後嘅自己出現,你會同佢講乜野? 梗係六合彩號碼、股票走勢啦。 . 呢一刻,我望住呢個同我有九分相似嘅人,伸手摸一摸,佢真係無實體。 . 我更好奇嘅係:「十年後,我研發到時間旅行器?」 . 明明我嘅科學知識只限於「水煲到一百度會滾」, 唔通十年間,我突然打通咗任督二脈,變咗個天才科學家? . 如果我真係咁勁,就唔使再問六合彩號碼啦, 研發時間旅行器喎,諾貝爾獎都等緊我。 . , 十年後嘅我有啲無奈:「咪傻啦,十年後,時間旅行器面世,人人都有一個。 不過只可以回到過去,最多回十年,用靈魂狀態搵過去嘅自己。」 . 「即係只有我見到你?」我都估到我無咁勁。 . 十年點頭:「每個人,都只會見到自己嘅未來。時間旅行器一出,我就番黎搵你啦。」 . 唔使我追問,十年就講咗幾期六合彩號碼畀我知,仲有股票走勢, 佢真係做足準備,我地果然心靈相通。 . 「多謝你,我即刻去買。」我心情激動,我要做大富翁啦! . 「唔使多謝,你好即係我好啫。」 . , 我即刻開電腦,想上網買股票,點解個系統登入唔到? 連六合彩電話投注都死埋。 . 上FB一睇,就見到突發新聞報導。 . 原來十年後嘅今日,時間旅行器正式發售, 好多人一買咗就番黎搵十年前嘅自己,咁當然個個都問六合彩股票, . 所以政府採取緊急措施,熄晒所有投機嘅系統,再作研究。 . 以前睇啲時間旅行電影,點解主角可以咁威,就係因為全世界得佢可以時間旅行。 . 無論一件事有幾勁,個個都可以做到,就會變得一啲都唔勁。 . , 十年問:「咁點算啊?」 . 「你唔知,我點會知?你仲多我十年智慧哩。」我都好失望。 . 算啦,發達都只係夢想,我都係腳踏實地做人, 我就問:「咁你話我知,我十年後嘅女朋友係邊個啦,等我早啲搵到佢。」 . 十年點點頭:「我番去抄低畀你。」然後就消失咗。 . 我問你女朋友叫咩名,你仲要番去搵?唔可以直接講我知架咩? . , 無辦法,我只可以等。 . 果晚我瞓唔著,又緊張又期待,到底我嘅真命天女係邊個? 公司個小芳?舊同學Shirley?...... . 諗下諗下,十年終於出現,佢拎住一本簿:「嗱,我讀啲人名畀你知,你抄低啦。」 . 我又驚又喜,十年後我居然花心到有個後宮名冊? . 十年嘆氣:「你咁開心做乜?呢本簿嘅名,全部都係你追過、暗戀過,但追唔到嘅女仔。 你抄低啲人名,再遇到呢班女仔,就唔好浪費時間追佢地啦。」 . 我呆咗:「所以十年後我仲未有女朋友?」 . 十年猶豫咗一陣:「可能你唔花時間追呢班女仔,追其他女仔,會有收獲掛。」 . 我追問:「咁二十年後嘅自己呢?無番黎搵你?」 . 十年支支吾吾:「八年後,我係娶到個老婆嘅,但聽講個老婆幾醜樣,我希望你可以改變未來啦。」 . 待續... . #短故 #短篇 #小說 #陳美濤 #廣東話 #粵語 #如果時光可以倒流 #tomatochan

Share 0 6
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 買咗凶宅之後(下)
.
一講陳生,就見到陳生經過。
.
我下意識問:「咦,陳生你唔係移民咩?打算移民去邊?」
.
「係......係,未執好野,去澳洲。」
.
阿花插嘴:「聽講澳洲好多袋鼠。」
.
「係,我咪去袋鼠......去養袋鼠。」陳生愈答愈慌張。
.
我試探一句:「間屋有少少問題。」
.
陳生連忙擺手:「我唔知,我賣咗啦,有問題唔關我事。」
. ,
睇住陳生急急腳走,我覺得佢一定有問題。
.
阿花口都疾埋:「會唔會......佢就係兇手,碎完屍急急腳賣樓。」
.
我唔信:「咁大單案,點走得甩?」
.
「可能唔夠證據、可能有人頂罪,電視劇都講,壞人總係逍遙法外,唔係佢做乜咁驚?」
阿花倒抽一口涼氣:「佢發現我地懷疑佢,會唔會殺人滅口......」
. ,
事到如今,我打畀Johnny,蝕錢都要快手賣咗層樓。
.
但未簽約,阿花已經同我講分手,仲要whatsapp講,唔肯見面,
.
阿花話性格不合,但我估到,佢係驚陳生滅我口果陣,連累到佢。
.
失戀打擊,加埋晚晚瞓唔到,工作表現節節下降,我好快俾人炒咗。
.
好彩,我已經收到買樓訂金,喺出面租咗間屋。
.
趁日頭,我番黎13B執野,搬開衣櫃果陣,
.
我突然發現,衣櫃後面有個血跡腳印,唔通隻鬼有腳?
.
我心情唔好,亦無深究,照簽約賣咗層樓。
. ,
過多兩個月,我又撞到去澳洲養袋鼠嘅陳生。
.
佢主動同我講野:「聽講你賣咗13B?對唔住......我仲期望,你時運高睇唔到。」
.
「即係你撞過鬼啦?咁買樓果日,你又口口聲聲話無鬼?」
.
「唔咁講,你地邊肯買?」
陳生好淒涼咁講:「我已經降咗價,蝕晒本架啦,唔夠兩個月又買又賣......」
.
又買又賣,地產經紀就最開心,咁快又收多次佣金。
. ,
咪住先,腳印、Johnny、Johnny有鎖匙......
.
我衝去搵Johnny:「係咪你裝神弄鬼?想我地驚,降價賣樓,你就好快賣到,賺多筆佣。」
.
Johnny無答,但我從佢慌亂嘅神情,已經估到答案。
.
我步步進逼:「入伙前,你整爛晒啲水龍頭;
入伙後,趁我地未換鎖,搵人半夜扮鬼?你搞到阿花同我分手,搞到我失業!」
.
Johnny冷笑:「分手都關我事,如果你地情比金堅,天跌落黎都唔會散啦。」
.
雖然我好嬲,但又不得不承認,佢有道理。
.
但我唔會放過佢,「我依加就報警捉你個騙子。」
.
「就算報警,我所有程序都無錯,有話你知13B係凶宅,的確係兩年有人自殺。」Johnny好無辜咁望住我:「至於水龍頭,我唔知你講乜。」
.
回想番Johnny嘅答案,無一句承認過佢裝神弄鬼。
.
我咄咄逼人:「告唔入,都唱得衰你個名,睇下有無人搵你買樓。」
.
Johnny終於有少少驚,忽然搭晒膊頭:「何必一拍兩散?你人醒目,個樣又夠正氣,介紹份筍工畀你。」
.
佢拎咗份風水課程單張畀我:「讀完呢個課程,識玩下羅庚咁,我好多客搵人睇風水,大把生意你做。」
.
「下,我點比得上,做咗幾十年嘅風水佬?」
.
Johnny意味深長:「你擅長捉鬼丫嘛。」
.
佢搵人扮鬼,我捉鬼,業主換咗鎖,我就捉鬼成功;
未換鎖,我就捉番三五七次,話隻鬼太猛,令佢地賣樓。
. ,
「明啦?以後我地兩兄弟,拍住上。話唔定你仲可以識個富婆,分下遺產。」Johnny擠眉弄眼。
.
俾人呃,又有乜好怕喎?
.
生命滿希望,
財路由我創。
.
-完-
.
#短故 #短篇 #小說 #陳美濤 #廣東話 #粵語 #買咗凶宅之後 #買樓 #tomatochan

買咗凶宅之後(下) . 一講陳生,就見到陳生經過。 . 我下意識問:「咦,陳生你唔係移民咩?打算移民去邊?」 . 「係......係,未執好野,去澳洲。」 . 阿花插嘴:「聽講澳洲好多袋鼠。」 . 「係,我咪去袋鼠......去養袋鼠。」陳生愈答愈慌張。 . 我試探一句:「間屋有少少問題。」 . 陳生連忙擺手:「我唔知,我賣咗啦,有問題唔關我事。」 . , 睇住陳生急急腳走,我覺得佢一定有問題。 . 阿花口都疾埋:「會唔會......佢就係兇手,碎完屍急急腳賣樓。」 . 我唔信:「咁大單案,點走得甩?」 . 「可能唔夠證據、可能有人頂罪,電視劇都講,壞人總係逍遙法外,唔係佢做乜咁驚?」 阿花倒抽一口涼氣:「佢發現我地懷疑佢,會唔會殺人滅口......」 . , 事到如今,我打畀Johnny,蝕錢都要快手賣咗層樓。 . 但未簽約,阿花已經同我講分手,仲要whatsapp講,唔肯見面, . 阿花話性格不合,但我估到,佢係驚陳生滅我口果陣,連累到佢。 . 失戀打擊,加埋晚晚瞓唔到,工作表現節節下降,我好快俾人炒咗。 . 好彩,我已經收到買樓訂金,喺出面租咗間屋。 . 趁日頭,我番黎13B執野,搬開衣櫃果陣, . 我突然發現,衣櫃後面有個血跡腳印,唔通隻鬼有腳? . 我心情唔好,亦無深究,照簽約賣咗層樓。 . , 過多兩個月,我又撞到去澳洲養袋鼠嘅陳生。 . 佢主動同我講野:「聽講你賣咗13B?對唔住......我仲期望,你時運高睇唔到。」 . 「即係你撞過鬼啦?咁買樓果日,你又口口聲聲話無鬼?」 . 「唔咁講,你地邊肯買?」 陳生好淒涼咁講:「我已經降咗價,蝕晒本架啦,唔夠兩個月又買又賣......」 . 又買又賣,地產經紀就最開心,咁快又收多次佣金。 . , 咪住先,腳印、Johnny、Johnny有鎖匙...... . 我衝去搵Johnny:「係咪你裝神弄鬼?想我地驚,降價賣樓,你就好快賣到,賺多筆佣。」 . Johnny無答,但我從佢慌亂嘅神情,已經估到答案。 . 我步步進逼:「入伙前,你整爛晒啲水龍頭; 入伙後,趁我地未換鎖,搵人半夜扮鬼?你搞到阿花同我分手,搞到我失業!」 . Johnny冷笑:「分手都關我事,如果你地情比金堅,天跌落黎都唔會散啦。」 . 雖然我好嬲,但又不得不承認,佢有道理。 . 但我唔會放過佢,「我依加就報警捉你個騙子。」 . 「就算報警,我所有程序都無錯,有話你知13B係凶宅,的確係兩年有人自殺。」Johnny好無辜咁望住我:「至於水龍頭,我唔知你講乜。」 . 回想番Johnny嘅答案,無一句承認過佢裝神弄鬼。 . 我咄咄逼人:「告唔入,都唱得衰你個名,睇下有無人搵你買樓。」 . Johnny終於有少少驚,忽然搭晒膊頭:「何必一拍兩散?你人醒目,個樣又夠正氣,介紹份筍工畀你。」 . 佢拎咗份風水課程單張畀我:「讀完呢個課程,識玩下羅庚咁,我好多客搵人睇風水,大把生意你做。」 . 「下,我點比得上,做咗幾十年嘅風水佬?」 . Johnny意味深長:「你擅長捉鬼丫嘛。」 . 佢搵人扮鬼,我捉鬼,業主換咗鎖,我就捉鬼成功; 未換鎖,我就捉番三五七次,話隻鬼太猛,令佢地賣樓。 . , 「明啦?以後我地兩兄弟,拍住上。話唔定你仲可以識個富婆,分下遺產。」Johnny擠眉弄眼。 . 俾人呃,又有乜好怕喎? . 生命滿希望, 財路由我創。 . -完- . #短故 #短篇 #小說 #陳美濤 #廣東話 #粵語 #買咗凶宅之後 #買樓 #tomatochan

Share 3 9
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 買咗凶宅之後(上)
.
我真係無諗過,連鬼片都唔敢睇嘅我,會買咗間凶宅。
.
其實唔怪得人,原因亦唔多特別,女友阿花催我買樓結婚,我唔夠錢,
.
經紀Tommy就介紹咗呢間屋畀我,13樓B室,兩年前有人割脈自殺。
.
阿花勸我:「平生不作虧心事,怕乜野?
我先唔信有鬼,同埋佢自殺啫,又唔係兇殺,做鬼都唔猛。」
.
連女人都拍晒心口,身為男人,唔通我話驚咩?
. ,
簽約果日,我見到上一手業主陳生,我都未講野,
陳生就講:「呢間屋真係無......果啲野架,風水幾好,不過我......我要移民先賣樓。」
.
我都無問,佢慌張乜野?
.
我覺得有啲唔妥,但都無在意,簽好約,好快就搬咗入去。
.
我先搬入13樓B,阿花執好野聽日過黎,從此我地就有愛巢啦!
.
不過瞓到半夜,我聽到滴滴答答嘅水聲。
.
聽到水聲,正常你會覺得水龍頭壞咗;但當你住喺凶宅,就會聯想到......
.
我小心翼翼行去廁所,望一望,真係水龍頭滴水,
.
我正想鬆一口氣,忽然發現浴缸、廚房個水龍頭都滴緊水!
.
我睇咗幾次樓,明明檢查過,所有水龍頭都無問題,點解一搬入黎就壞晒。
.
我有啲驚,但無講畀阿花知,可能係巧合呢。
.
我搵個師傅黎整,師傅話好小事,所有水龍頭嘅螺絲,都俾人扭鬆晒。
.
人?我希望係。
. ,
阿花搬入黎一個星期,都無事發生,一放鬆,就出事。
.
瞓到半夜,突然有一陣幽怨嘅喊聲。
.
「阿花,妳喊乜野?」
.
「我都無喊。」阿花迷迷糊糊咁答。
.
下一秒,我地兩個都醒晒,一睜開眼,就見到衣櫃旁邊,冒出一個血淋淋嘅人頭。
.
阿花一聲尖叫,衝咗出房;我強撐住開燈,一開燈,乜都無。
.
呢鑊真係撞鬼,我同阿花喺24小時m記坐咗成晚,
事到如今,我唯有講埋水龍頭事件畀佢知。
. ,
第二日,阿花就番咗佢阿媽度住,
.
「妳又話平生不作虧心事,唔驚鬼嘅?」
.
阿花支支吾吾:「我唔係驚,不過......層樓都係賣咗佢啦。」
.
都岩嘅,唔通下半世與鬼同眠。 .
「好啦,我租番間屋先,有機會再上車。」
我問阿花:「我租到屋之前,可唔可以去妳屋企逼一逼?」
我無親無故,之前都係自己租屋。
.
「我屋企?唔係咁好......你住番13B先啦,尋晚可能我地睇錯,同埋你陽氣重......」
.
阿花講一大輪,言下之意係:叫我住鬼屋,佢就番屋企高床軟枕。
. ,
大難臨頭各自飛,我失望之餘,日子都要過。
.
我托經紀Johnny幫我放盤,但買樓已經用晒我嘅現金,
所以賣到樓之前,我都係要繼續住13B。
.
每一晚,我都要開晒燈,睡眠質素唔好,日頭恰眼瞓,俾老闆鬧。
.
Johnny好快通知我,有人對13B有興趣,但個價就有啲低。
.
一買一賣,加埋手續費、佣金,我都蝕到入肉,
.
我有啲猶豫,約阿花出街食飯傾下。
. ,
出門口果陣,我見到,有個阿婆係走廊燒陰司紙。
.
望真啲,個阿婆有腳嘅,我先鬆一口氣。
.
「婆婆,您拜邊個?」
.
「呢層有個女仔俾人碎屍,好可憐,今日係佢尾七。」
.
碎屍?唔係自殺咩?
「婆婆,知唔知係邊個單位?」
.
「唔清楚啦,我住G室嘅,果排隱約見到你地ABC呢邊,好多警察。」
. ,
我講畀阿花知,阿花即刻查凶宅資料網。
.
「13樓有兩個凶宅,兩年前有人割脈自殺,兩個月前有碎屍案。
但凶宅資料網只寫幾多樓,無寫咩室。」
.
我提出:「會唔會,碎屍案先係我地個單位?自殺無理由咁猛鬼。」
.
阿花睥住我:「最衰都係你,買樓前又唔check清楚。」
.
怪我?正常買樓,會check係咪凶宅;
但人地講明係凶宅,你唔會特登研究真假架嘛。
.
呢個時候,我地諗到一個問題:上一手業主陳生!
.
如果兩個月前,13B有碎屍案,即係陳生住緊果陣?
. 
待續...
.
#短故 #短篇 #小說 #陳美濤 #廣東話 #粵語 #買咗凶宅之後 #買樓 #tomatochan

買咗凶宅之後(上) . 我真係無諗過,連鬼片都唔敢睇嘅我,會買咗間凶宅。 . 其實唔怪得人,原因亦唔多特別,女友阿花催我買樓結婚,我唔夠錢, . 經紀Tommy就介紹咗呢間屋畀我,13樓B室,兩年前有人割脈自殺。 . 阿花勸我:「平生不作虧心事,怕乜野? 我先唔信有鬼,同埋佢自殺啫,又唔係兇殺,做鬼都唔猛。」 . 連女人都拍晒心口,身為男人,唔通我話驚咩? . , 簽約果日,我見到上一手業主陳生,我都未講野, 陳生就講:「呢間屋真係無......果啲野架,風水幾好,不過我......我要移民先賣樓。」 . 我都無問,佢慌張乜野? . 我覺得有啲唔妥,但都無在意,簽好約,好快就搬咗入去。 . 我先搬入13樓B,阿花執好野聽日過黎,從此我地就有愛巢啦! . 不過瞓到半夜,我聽到滴滴答答嘅水聲。 . 聽到水聲,正常你會覺得水龍頭壞咗;但當你住喺凶宅,就會聯想到...... . 我小心翼翼行去廁所,望一望,真係水龍頭滴水, . 我正想鬆一口氣,忽然發現浴缸、廚房個水龍頭都滴緊水! . 我睇咗幾次樓,明明檢查過,所有水龍頭都無問題,點解一搬入黎就壞晒。 . 我有啲驚,但無講畀阿花知,可能係巧合呢。 . 我搵個師傅黎整,師傅話好小事,所有水龍頭嘅螺絲,都俾人扭鬆晒。 . 人?我希望係。 . , 阿花搬入黎一個星期,都無事發生,一放鬆,就出事。 . 瞓到半夜,突然有一陣幽怨嘅喊聲。 . 「阿花,妳喊乜野?」 . 「我都無喊。」阿花迷迷糊糊咁答。 . 下一秒,我地兩個都醒晒,一睜開眼,就見到衣櫃旁邊,冒出一個血淋淋嘅人頭。 . 阿花一聲尖叫,衝咗出房;我強撐住開燈,一開燈,乜都無。 . 呢鑊真係撞鬼,我同阿花喺24小時m記坐咗成晚, 事到如今,我唯有講埋水龍頭事件畀佢知。 . , 第二日,阿花就番咗佢阿媽度住, . 「妳又話平生不作虧心事,唔驚鬼嘅?」 . 阿花支支吾吾:「我唔係驚,不過......層樓都係賣咗佢啦。」 . 都岩嘅,唔通下半世與鬼同眠。 . 「好啦,我租番間屋先,有機會再上車。」 我問阿花:「我租到屋之前,可唔可以去妳屋企逼一逼?」 我無親無故,之前都係自己租屋。 . 「我屋企?唔係咁好......你住番13B先啦,尋晚可能我地睇錯,同埋你陽氣重......」 . 阿花講一大輪,言下之意係:叫我住鬼屋,佢就番屋企高床軟枕。 . , 大難臨頭各自飛,我失望之餘,日子都要過。 . 我托經紀Johnny幫我放盤,但買樓已經用晒我嘅現金, 所以賣到樓之前,我都係要繼續住13B。 . 每一晚,我都要開晒燈,睡眠質素唔好,日頭恰眼瞓,俾老闆鬧。 . Johnny好快通知我,有人對13B有興趣,但個價就有啲低。 . 一買一賣,加埋手續費、佣金,我都蝕到入肉, . 我有啲猶豫,約阿花出街食飯傾下。 . , 出門口果陣,我見到,有個阿婆係走廊燒陰司紙。 . 望真啲,個阿婆有腳嘅,我先鬆一口氣。 . 「婆婆,您拜邊個?」 . 「呢層有個女仔俾人碎屍,好可憐,今日係佢尾七。」 . 碎屍?唔係自殺咩? 「婆婆,知唔知係邊個單位?」 . 「唔清楚啦,我住G室嘅,果排隱約見到你地ABC呢邊,好多警察。」 . , 我講畀阿花知,阿花即刻查凶宅資料網。 . 「13樓有兩個凶宅,兩年前有人割脈自殺,兩個月前有碎屍案。 但凶宅資料網只寫幾多樓,無寫咩室。」 . 我提出:「會唔會,碎屍案先係我地個單位?自殺無理由咁猛鬼。」 . 阿花睥住我:「最衰都係你,買樓前又唔check清楚。」 . 怪我?正常買樓,會check係咪凶宅; 但人地講明係凶宅,你唔會特登研究真假架嘛。 . 呢個時候,我地諗到一個問題:上一手業主陳生! . 如果兩個月前,13B有碎屍案,即係陳生住緊果陣? .  待續... . #短故 #短篇 #小說 #陳美濤 #廣東話 #粵語 #買咗凶宅之後 #買樓 #tomatochan

Share 0 12
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 感情問題解決中心(下)
.
婚期愈黎愈近,我只好再催下中心,加錢叫佢地快手做野。
.
然後,我就被車撞咗。
.
阿媽黎醫院探我果陣,好愧疚咁喊:「如果唔係我愛面子,你就唔會出事,阿靜個賤人真係剋夫......」
.
阿媽好快取消咗婚禮,答應以後都唔再干涉我嘅感情。
.
我應該開心,但望住我果對無知覺嘅腳,我又開心唔起黎。
.
點估得到,果間「感情問題解決中心」做野咁狠,
解決咗我嘅感情問題,亦解決埋我嘅人生。
. ,
雖然阿媽對阿靜惡言相向,但阿靜依然好堅持,
日日煲湯黎探我,陪我做物理治療,風雨不改。
.
我初時冷言冷語,但日子耐咗,我都有啲感動。
.
患難見真情,除咗阿靜,仲有邊個女人會對我咁好?我唔娶佢娶邊個?
.
到我行得番,我真心決定同阿靜結婚,就輪到我阿媽好反對,世事真係令人無奈。
.
放心,我唔會再咁蠢,又搵「感情問題解決中心」嘅。
.
我要做一次真男人,堅持娶阿靜!
. ,
婚後,佢地經常有婆媳矛盾,我夾喺兩個人中間,苦不堪言。
.
直到有一日,阿靜漏低咗部電話,我隨手拎黎睇,見到一個whatsapp:
「小姐,妳四個月前購買嘅服務,已經完滿結束。依加我地進行緊顧客調查,請問截止目前為止,你滿唔滿意......」
.
阿靜購買咗咩服務?我望下個電話,咁熟眼嘅......係「感情問題解決中心」!
.
我即刻碌番上去,睇佢地啲舊whatsapp,好彩阿靜習慣用whatsapp溝通。
.
阿靜:「我男朋友對我好冷淡,我知佢唔鍾意我,但我對佢真心架。
有無辦法令佢發現我有幾好,重新愛上我?」
.
中心:「呢種情況,我地推介你購買『患難見真情計劃』......」
.
我好嬲,即係我撞車,係阿靜畀錢買番黎?
.
我即刻打畀中心質問,職員好冷靜咁答:
「先生,根據記錄,你嘅要求係『阿媽唔逼你同阿靜一齊』,而車禍後,你阿媽亦同意取消婚禮,我地完全滿足你嘅需求。」
.
「咁阿靜呢?你地用車禍,又滿足咗佢嘅需求?」
.
「果位小姐係另一張單,兩位嘅愛情需求都滿足咗。」
職員有啲疑惑:「先生想投訴乜野?咁唔係皆大歡喜咩?」
.
皆大歡喜?呢啲叫一箭雙鵰,而我就係果隻可憐的小鵰。
.
我怒吼:「我唔理,我要同果個陰險女人離婚。」
.
「哦,新嘅感情問題?我地推介你購買另一個計劃......」
. ,
呢個故事教訓我地,感情係唔可以用錢控制,
.
尤其係當你無乜錢,買個服務都要團購......
.
-完-
.
#短故 #短篇 #小說 #陳美濤 #廣東話 #粵語 #結婚 #愛情 #tomatochan

感情問題解決中心(下) . 婚期愈黎愈近,我只好再催下中心,加錢叫佢地快手做野。 . 然後,我就被車撞咗。 . 阿媽黎醫院探我果陣,好愧疚咁喊:「如果唔係我愛面子,你就唔會出事,阿靜個賤人真係剋夫......」 . 阿媽好快取消咗婚禮,答應以後都唔再干涉我嘅感情。 . 我應該開心,但望住我果對無知覺嘅腳,我又開心唔起黎。 . 點估得到,果間「感情問題解決中心」做野咁狠, 解決咗我嘅感情問題,亦解決埋我嘅人生。 . , 雖然阿媽對阿靜惡言相向,但阿靜依然好堅持, 日日煲湯黎探我,陪我做物理治療,風雨不改。 . 我初時冷言冷語,但日子耐咗,我都有啲感動。 . 患難見真情,除咗阿靜,仲有邊個女人會對我咁好?我唔娶佢娶邊個? . 到我行得番,我真心決定同阿靜結婚,就輪到我阿媽好反對,世事真係令人無奈。 . 放心,我唔會再咁蠢,又搵「感情問題解決中心」嘅。 . 我要做一次真男人,堅持娶阿靜! . , 婚後,佢地經常有婆媳矛盾,我夾喺兩個人中間,苦不堪言。 . 直到有一日,阿靜漏低咗部電話,我隨手拎黎睇,見到一個whatsapp: 「小姐,妳四個月前購買嘅服務,已經完滿結束。依加我地進行緊顧客調查,請問截止目前為止,你滿唔滿意......」 . 阿靜購買咗咩服務?我望下個電話,咁熟眼嘅......係「感情問題解決中心」! . 我即刻碌番上去,睇佢地啲舊whatsapp,好彩阿靜習慣用whatsapp溝通。 . 阿靜:「我男朋友對我好冷淡,我知佢唔鍾意我,但我對佢真心架。 有無辦法令佢發現我有幾好,重新愛上我?」 . 中心:「呢種情況,我地推介你購買『患難見真情計劃』......」 . 我好嬲,即係我撞車,係阿靜畀錢買番黎? . 我即刻打畀中心質問,職員好冷靜咁答: 「先生,根據記錄,你嘅要求係『阿媽唔逼你同阿靜一齊』,而車禍後,你阿媽亦同意取消婚禮,我地完全滿足你嘅需求。」 . 「咁阿靜呢?你地用車禍,又滿足咗佢嘅需求?」 . 「果位小姐係另一張單,兩位嘅愛情需求都滿足咗。」 職員有啲疑惑:「先生想投訴乜野?咁唔係皆大歡喜咩?」 . 皆大歡喜?呢啲叫一箭雙鵰,而我就係果隻可憐的小鵰。 . 我怒吼:「我唔理,我要同果個陰險女人離婚。」 . 「哦,新嘅感情問題?我地推介你購買另一個計劃......」 . , 呢個故事教訓我地,感情係唔可以用錢控制, . 尤其係當你無乜錢,買個服務都要團購...... . -完- . #短故 #短篇 #小說 #陳美濤 #廣東話 #粵語 #結婚 #愛情 #tomatochan

Share 4 23
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 感情問題解決中心(上)
.
下個月,我就同女友阿靜結婚.但我真係唔想娶佢。
.
我對佢完全無感覺,不過佢係我阿媽老友個女,乖巧文靜,
.
每次我想分手,阿媽就話:「睇多下先啦,阿靜係個好女仔。」
.
睇下睇下,就睇咗十年,阿媽仲幫我搵埋吉日、訂埋酒席、印埋帖。
.
呢次,我一定要反抗,但阿媽辛苦養大我,我又唔想破壞我地嘅感情。
.
我不斷搜索「如何同女友分手而唔得罪阿媽」,都無結果。
.
直到有一日,屏幕上彈出一個廣告,「感情問題解決中心」。
.
我打電話去,畀完資料,對方開咗個價,
話保證令阿媽同意我地分手,好似好神奇咁。
.
為咗我嘅一生幸福,死馬當作活馬醫啦。
. ,
我一畀咗錢,即刻打畀阿媽:「我想同阿靜分手。」
.
「你傻咗?阿靜咁好,你執到寶啦......」
阿媽講完一大輪,用一句話總結:「婚禮上仲有少少細節未搞掂,你聽日放工上我度食飯。」
.
理智話畀我聽,我被人呃錢;
但我心中仲有一絲希望,可能佢地嘅魔法仲未生效呢,就算食藥都要時間。
. ,
第二日,我去阿媽度,正諗住上樓,突然眼前一黑,全身濕晒。
.
然後我聞到一陣惡臭,居然兜頭淋落黎一盆屎水!
.
全街都望住我,我急忙衝上阿媽度,換衫沖涼。
.
阿媽見到我咁狼狽,好震驚,我一沖完涼佢就問:「你係咪唔想同阿靜結婚?」
.
咦,唔通臭味就係令我阿媽諗通嘅靈藥?
.
「我今日出街遇到個風水佬,佢話你同阿靜八字相克,如果結婚,我地全家都會事事不順......」
阿媽憂心忡忡:「我本來都唔信架,點知你即刻出事。」
.
我個心興奮到「砰砰」跳,原來個中心係用風水勸服啲老人家,呢個諗法幾好。
.
阿媽就算幾鍾意阿靜,都唔會想睇住個仔死。
.
但阿媽又講:「可能只係巧合,呢排天台好多頑童玩高空擲物。
帖都派咗,唔通迷信就唔結咩?」
.
第一回合,失敗,不過都算有好嘅開始。
.
事後我打畀中心,報告情況,同埋忍唔住投訴:「點解要淋我屎?」
.
職員語重心長:「吃得屎中屎,方為人上人。為咗終身幸福,臭一下又有乜所謂。」
.
好似幾有道理,但我加多句:「下次唔准再淋屎。」
.
職員一口答應。
. ,
自從果次之後,阿媽成日同我抱怨,話佢諸事不順,連買個橙都係爛嘅。
.
我先唔信中心連個橙都控制到,
不過,當一個人覺得自己黑仔,凡事都會先入為主。
.
我都好配合,成日同阿媽呻,話同事欺凌我、老闆刻薄我,廁所又無水......
.
果然,阿媽對阿靜愈黎愈冷淡,如果一般情況,我相信好快會分手成功。
.
但依加已經派咗帖,阿媽為咗面子,死都唔肯取消婚事。
.
婚期愈黎愈近,我只好再催下中心,加錢叫佢地快手做野。
.
#短故 #短篇 #小說 #陳美濤 #廣東話 #粵語 #結婚 #愛情 #tomatochan

感情問題解決中心(上) . 下個月,我就同女友阿靜結婚.但我真係唔想娶佢。 . 我對佢完全無感覺,不過佢係我阿媽老友個女,乖巧文靜, . 每次我想分手,阿媽就話:「睇多下先啦,阿靜係個好女仔。」 . 睇下睇下,就睇咗十年,阿媽仲幫我搵埋吉日、訂埋酒席、印埋帖。 . 呢次,我一定要反抗,但阿媽辛苦養大我,我又唔想破壞我地嘅感情。 . 我不斷搜索「如何同女友分手而唔得罪阿媽」,都無結果。 . 直到有一日,屏幕上彈出一個廣告,「感情問題解決中心」。 . 我打電話去,畀完資料,對方開咗個價, 話保證令阿媽同意我地分手,好似好神奇咁。 . 為咗我嘅一生幸福,死馬當作活馬醫啦。 . , 我一畀咗錢,即刻打畀阿媽:「我想同阿靜分手。」 . 「你傻咗?阿靜咁好,你執到寶啦......」 阿媽講完一大輪,用一句話總結:「婚禮上仲有少少細節未搞掂,你聽日放工上我度食飯。」 . 理智話畀我聽,我被人呃錢; 但我心中仲有一絲希望,可能佢地嘅魔法仲未生效呢,就算食藥都要時間。 . , 第二日,我去阿媽度,正諗住上樓,突然眼前一黑,全身濕晒。 . 然後我聞到一陣惡臭,居然兜頭淋落黎一盆屎水! . 全街都望住我,我急忙衝上阿媽度,換衫沖涼。 . 阿媽見到我咁狼狽,好震驚,我一沖完涼佢就問:「你係咪唔想同阿靜結婚?」 . 咦,唔通臭味就係令我阿媽諗通嘅靈藥? . 「我今日出街遇到個風水佬,佢話你同阿靜八字相克,如果結婚,我地全家都會事事不順......」 阿媽憂心忡忡:「我本來都唔信架,點知你即刻出事。」 . 我個心興奮到「砰砰」跳,原來個中心係用風水勸服啲老人家,呢個諗法幾好。 . 阿媽就算幾鍾意阿靜,都唔會想睇住個仔死。 . 但阿媽又講:「可能只係巧合,呢排天台好多頑童玩高空擲物。 帖都派咗,唔通迷信就唔結咩?」 . 第一回合,失敗,不過都算有好嘅開始。 . 事後我打畀中心,報告情況,同埋忍唔住投訴:「點解要淋我屎?」 . 職員語重心長:「吃得屎中屎,方為人上人。為咗終身幸福,臭一下又有乜所謂。」 . 好似幾有道理,但我加多句:「下次唔准再淋屎。」 . 職員一口答應。 . , 自從果次之後,阿媽成日同我抱怨,話佢諸事不順,連買個橙都係爛嘅。 . 我先唔信中心連個橙都控制到, 不過,當一個人覺得自己黑仔,凡事都會先入為主。 . 我都好配合,成日同阿媽呻,話同事欺凌我、老闆刻薄我,廁所又無水...... . 果然,阿媽對阿靜愈黎愈冷淡,如果一般情況,我相信好快會分手成功。 . 但依加已經派咗帖,阿媽為咗面子,死都唔肯取消婚事。 . 婚期愈黎愈近,我只好再催下中心,加錢叫佢地快手做野。 . #短故 #短篇 #小說 #陳美濤 #廣東話 #粵語 #結婚 #愛情 #tomatochan

Share 0 25
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 我嘅職業係:曱甴俠(下)
.
果日,我擺咗幾百隻曱甴落個公事包度,偷偷帶番公司。
.
其實,我單戀同事小薇好耐,但佢總係覺得我無乜特別。
.
大部份女人都怕曱甴,如果佢突然被大量曱甴騷擾,嚇到花容失色,
.
我就虎軀一震,散發霸氣令曱甴退散,英雄救美,一定可以令佢留下深刻印象!
.
我已經同曱甴團夾好晒,幾時出場幾時退場,萬事俱備只欠東風。
. ,
我知道,今日輪到小薇加班,我就藉故留喺公司。
.
等到公司剩番我同佢兩個,曱甴團出場,從四方八面湧向小薇。
.
小薇如我所料,驚叫一聲,我會等佢驚多十秒,恐懼達到極點,我先出場。
.
然後我又聽到一聲接一聲嘅慘叫,而且係直接傳入我腦海嘅叫聲......曱甴嘅慘叫!
.
只見小薇拎起文件夾,大發雌威,不斷咁拍向曱甴團,
.
曱甴四散躲避,但由於數量太多太擁擠,文件夾每一下摔落去,總有十幾隻曱甴罹難。
.
斷肢、慘叫、屍體嘅汁液,形成咗一個災難片嘅場景。
. ,
我衝上去,搶走小薇嘅文件夾,死死抓住佢對手:「停手!」
同時用意識催所有曱甴離開現場。
.
「Peter你傻咗?我打曱甴咋。」
小薇見我呆晒,大叫:「放手啊蠢材!」
.
曱甴團終於散去,小薇望住桌上嘅曱甴屍,翻白眼:
「走晒啦,搞到我張檯咁污漕,一陣要拎掃帚黎清理。」
.
「唔使妳搞,我黎執。」我有氣無力咁講。
.
小薇點頭:「咁好啦,我番屋企沖涼先,聽
日早啲番黎做埋啲野。」
. ,
我好嬲、好傷心,我終於明白小強果句「成為我地嘅一員」係咩意思。
.
望住呢個場景,我唔係見到一堆污漕嘅害蟲,
而係好似見到一班人、我嘅同胞,因為我嘅愚蠢,被殘酷凌虐致死,屍橫遍野。
.
但我可以點?唔通我可以報警拉小薇?
.
我只可以小心翼翼,一隻一隻咁執起佢地嘅屍體,拎番去好好安葬。
. ,
我帶住倖存嘅成員,番到屋企見到小強,忍唔住喊出黎:「對唔住,係我害死大家。」
.
「我地預咗。」
小強安慰我:「我地族其實無咩攻擊力,只係數量多,既然靠數量,就一定有傷亡。
如果無喺你度打工,出街搵野食,一樣係日日都生死邊緣。」
.
果一刻,我意識到,我根本無辦法用「超能力」去達到目標。
.
因為我忍受唔到,我每完成一件事,就要建立喺無數同胞嘅死亡上。
.
我只係個普通人,唔係一將功成萬骨枯嘅帝王。
.
我,唔係曱甴俠。
. ,
自從果次之後,我無再要求曱甴團幫我做任何野,
只係買野食畀佢地,出街見到受傷嘅曱甴,都會帶番屋企。
.
有啲曱甴鍾意周圍去,見到趣聞,都會同我分享,我就咁多咗好多朋友。
.
我生日果晚,番到屋企,見到班曱甴列隊,喺地上砌咗三個字:「曱甴俠」。
.
我即刻搖頭:「我都無拯救地球,周圍幫人。」
.
「你拯救咗我地嘛。」講呢句嘅,係一隻我喺街邊救番黎嘅曱甴。
.
小強笑住講:「曱甴俠,唔一定係用曱甴黎幫人;都可以係曱甴界嘅大俠嘛。」
. ,
係唔係曱甴俠,我自己都唔知。
.
其實天下億萬曱甴,以我嘅能力,我養到、救到嘅都只係極少。
.
不過,依加大家都幾開心,咁咪好囉。
.
有能力,唔一定要拎黎做大事;
可以令自己開心,令身邊嘅人(曱甴)幸福,已經好難得。
.
-完-
.
#短故 #短篇 #小說 #陳美濤 #廣東話 #粵語 #曱甴俠 #tomatochan

我嘅職業係:曱甴俠(下) . 果日,我擺咗幾百隻曱甴落個公事包度,偷偷帶番公司。 . 其實,我單戀同事小薇好耐,但佢總係覺得我無乜特別。 . 大部份女人都怕曱甴,如果佢突然被大量曱甴騷擾,嚇到花容失色, . 我就虎軀一震,散發霸氣令曱甴退散,英雄救美,一定可以令佢留下深刻印象! . 我已經同曱甴團夾好晒,幾時出場幾時退場,萬事俱備只欠東風。 . , 我知道,今日輪到小薇加班,我就藉故留喺公司。 . 等到公司剩番我同佢兩個,曱甴團出場,從四方八面湧向小薇。 . 小薇如我所料,驚叫一聲,我會等佢驚多十秒,恐懼達到極點,我先出場。 . 然後我又聽到一聲接一聲嘅慘叫,而且係直接傳入我腦海嘅叫聲......曱甴嘅慘叫! . 只見小薇拎起文件夾,大發雌威,不斷咁拍向曱甴團, . 曱甴四散躲避,但由於數量太多太擁擠,文件夾每一下摔落去,總有十幾隻曱甴罹難。 . 斷肢、慘叫、屍體嘅汁液,形成咗一個災難片嘅場景。 . , 我衝上去,搶走小薇嘅文件夾,死死抓住佢對手:「停手!」 同時用意識催所有曱甴離開現場。 . 「Peter你傻咗?我打曱甴咋。」 小薇見我呆晒,大叫:「放手啊蠢材!」 . 曱甴團終於散去,小薇望住桌上嘅曱甴屍,翻白眼: 「走晒啦,搞到我張檯咁污漕,一陣要拎掃帚黎清理。」 . 「唔使妳搞,我黎執。」我有氣無力咁講。 . 小薇點頭:「咁好啦,我番屋企沖涼先,聽 日早啲番黎做埋啲野。」 . , 我好嬲、好傷心,我終於明白小強果句「成為我地嘅一員」係咩意思。 . 望住呢個場景,我唔係見到一堆污漕嘅害蟲, 而係好似見到一班人、我嘅同胞,因為我嘅愚蠢,被殘酷凌虐致死,屍橫遍野。 . 但我可以點?唔通我可以報警拉小薇? . 我只可以小心翼翼,一隻一隻咁執起佢地嘅屍體,拎番去好好安葬。 . , 我帶住倖存嘅成員,番到屋企見到小強,忍唔住喊出黎:「對唔住,係我害死大家。」 . 「我地預咗。」 小強安慰我:「我地族其實無咩攻擊力,只係數量多,既然靠數量,就一定有傷亡。 如果無喺你度打工,出街搵野食,一樣係日日都生死邊緣。」 . 果一刻,我意識到,我根本無辦法用「超能力」去達到目標。 . 因為我忍受唔到,我每完成一件事,就要建立喺無數同胞嘅死亡上。 . 我只係個普通人,唔係一將功成萬骨枯嘅帝王。 . 我,唔係曱甴俠。 . , 自從果次之後,我無再要求曱甴團幫我做任何野, 只係買野食畀佢地,出街見到受傷嘅曱甴,都會帶番屋企。 . 有啲曱甴鍾意周圍去,見到趣聞,都會同我分享,我就咁多咗好多朋友。 . 我生日果晚,番到屋企,見到班曱甴列隊,喺地上砌咗三個字:「曱甴俠」。 . 我即刻搖頭:「我都無拯救地球,周圍幫人。」 . 「你拯救咗我地嘛。」講呢句嘅,係一隻我喺街邊救番黎嘅曱甴。 . 小強笑住講:「曱甴俠,唔一定係用曱甴黎幫人;都可以係曱甴界嘅大俠嘛。」 . , 係唔係曱甴俠,我自己都唔知。 . 其實天下億萬曱甴,以我嘅能力,我養到、救到嘅都只係極少。 . 不過,依加大家都幾開心,咁咪好囉。 . 有能力,唔一定要拎黎做大事; 可以令自己開心,令身邊嘅人(曱甴)幸福,已經好難得。 . -完- . #短故 #短篇 #小說 #陳美濤 #廣東話 #粵語 #曱甴俠 #tomatochan

Share 0 8
Photos of tomato0728chan in Instagram Account Tomato Chan 陳美濤 Tomato Chan 陳美濤

tomato0728chan

tomato0728chan's Instagram Photo - 我嘅職業係:曱甴俠(上)
.
為咗練六舊腹肌,我呢排飲食都嚴格控制,食到口淡淡。
.
難得有一晚,我夢見一堆美食喺我面前,多油多糖,任我品嘗,
.
我一啖咬落去,覺得陣味好奇怪。
.
我驚醒,望住天花板,先知自己發緊夢......點解我嘴裡面好似真係有怪味?
.
我即刻吐出黎,就見到半隻曱甴,隻腳仲郁下郁下。
.
半隻,即係我吞咗半隻?
.
我即刻彈起身,刷咗十次牙,但都無法驅散果種噁心嘅感覺。
. ,
然後我上網,搵下食咗曱甴有咩後果,使唔使睇醫生,佢會唔會喺我肚裡面產卵。
.
搵下搵下,突然聽到把聲:「Peter,你咁無常識架,產卵都會被溶晒啦!」
.
我左望右望,都唔覺有人,只係地下有隻曱甴。
.
「無錯,就係我。你食咗曱甴族嘅大魔王,改變咗你嘅基因,意外獲得同曱甴溝通嘅能力。」
. ,
我呢刻先感受到,果把聲唔係傳入我耳仔裡面,而係直接浮現喺我腦海中。
.
我嘗試諗一句說話:「即係我有超能力?」
.
曱甴果然答我:「用你地人類嘅說話,都可以咁講。」
.
嘩,我地真係可以用思想溝通,呢一點令我不得不信呢隻曱甴,暫且叫佢做小強。
.
小強話:「有咗呢個能力,你已經成為我地族嘅一員,所以我黎通知你。」
.
我諗起螞蟻俠,佢咁勁,就係佢可以控制螞蟻嘛,咁依加我咪即係「曱甴俠」?
.
諗到呢度,我熱血沸騰,我咁辛苦練六舊腹肌都係想型,
依加有超能力,仲唔到我發威?
.
我問小強:「我屋企仲有無其他族人?」
.
「有嘅,都應該出黎同你打個招呼。」
. ,
幾十隻曱甴從角落縫隙爬出黎,我先知我屋企原來有咁多曱甴。
.
「好,眾位兄弟聽我吩咐,創一番事業!」
地球上有億萬隻曱甴,我組織一隊曱甴大軍,天下仲唔掌握喺我股掌中?
.
突然有隻曱甴問:「點解要聽你吩咐?」
.
我呆一呆:「因為我有超能力,可以同你地溝通。」
.
曱甴又問:「咁你可唔可以同人類溝通?」
.
「可以啊。」
.
曱甴再問:「咁其他人類有無聽你吩咐?」
.
「......無。」番工俾老闆鬧都算啦,依加仲俾隻曱甴串?
.
雖然佢地好細隻,睇唔到表情,但我已經感受到佢地嘅白眼。
. ,
小強見氣氛有啲僵,出黎做和事佬:「Peter係新加入嘅朋友,唔係好識規矩,大家體諒下。」
.
點解螞蟻俠可以指揮螞蟻,而我,曱甴俠,只可以同曱甴做朋友?
.
無理由嘅,我咁大隻,佢地咁細隻,我點都有啲優勢掛?
.
我婉轉咁問小強:「我日後如果麻煩各位......朋友幫我做野,得唔得架?」
.
「得。」
小強答得好爽快:「只要符合本族嘅宗旨,做乜都無問題。本族嘅宗旨係四個字......」
.
我估:「團結友愛?天地良心?」
.
曱甴族齊聲答我:「搵、食、繁、殖!」
.
......又真係好緊要。
. ,
「我地出去搵食,好危險架,郁啲就俾人打死踩死。
如果你買夠野食,提供安全環境畀我地繁衍,我地咪幫你做野。」
小強繼續講:「用你地人類嘅說話,叫做『僱傭關係』。」
.
我明白晒,小強主動同我講野,根本就係見我可以同曱甴溝通,想我畀著數佢地。
.
「無問題。」我一口答應,曱甴咁細隻,食得幾多野?
.
我按照小強嘅說話,將我間屋佈置為「曱甴居」,仲劃咗條特別通道畀我,廢事我誤踩曱甴。
.
呢個消息一(曱甴)傳十(曱甴),十傳百,好快,我屋企就住滿咗曱甴。
.
唔知係咪因為基因改變,我同佢地一齊生活,又唔覺得噁心。
. ,
當然,做事要一步步黎,我打算先試下我班曱甴員工嘅威力。
.
果日,我擺咗幾百隻曱甴落個公事包度,偷偷帶番公司。
.
待續...
.
#短故 #短篇 #小說 #陳美濤 #廣東話 #粵語 #曱甴俠 #tomatochan #蟑螂

我嘅職業係:曱甴俠(上) . 為咗練六舊腹肌,我呢排飲食都嚴格控制,食到口淡淡。 . 難得有一晚,我夢見一堆美食喺我面前,多油多糖,任我品嘗, . 我一啖咬落去,覺得陣味好奇怪。 . 我驚醒,望住天花板,先知自己發緊夢......點解我嘴裡面好似真係有怪味? . 我即刻吐出黎,就見到半隻曱甴,隻腳仲郁下郁下。 . 半隻,即係我吞咗半隻? . 我即刻彈起身,刷咗十次牙,但都無法驅散果種噁心嘅感覺。 . , 然後我上網,搵下食咗曱甴有咩後果,使唔使睇醫生,佢會唔會喺我肚裡面產卵。 . 搵下搵下,突然聽到把聲:「Peter,你咁無常識架,產卵都會被溶晒啦!」 . 我左望右望,都唔覺有人,只係地下有隻曱甴。 . 「無錯,就係我。你食咗曱甴族嘅大魔王,改變咗你嘅基因,意外獲得同曱甴溝通嘅能力。」 . , 我呢刻先感受到,果把聲唔係傳入我耳仔裡面,而係直接浮現喺我腦海中。 . 我嘗試諗一句說話:「即係我有超能力?」 . 曱甴果然答我:「用你地人類嘅說話,都可以咁講。」 . 嘩,我地真係可以用思想溝通,呢一點令我不得不信呢隻曱甴,暫且叫佢做小強。 . 小強話:「有咗呢個能力,你已經成為我地族嘅一員,所以我黎通知你。」 . 我諗起螞蟻俠,佢咁勁,就係佢可以控制螞蟻嘛,咁依加我咪即係「曱甴俠」? . 諗到呢度,我熱血沸騰,我咁辛苦練六舊腹肌都係想型, 依加有超能力,仲唔到我發威? . 我問小強:「我屋企仲有無其他族人?」 . 「有嘅,都應該出黎同你打個招呼。」 . , 幾十隻曱甴從角落縫隙爬出黎,我先知我屋企原來有咁多曱甴。 . 「好,眾位兄弟聽我吩咐,創一番事業!」 地球上有億萬隻曱甴,我組織一隊曱甴大軍,天下仲唔掌握喺我股掌中? . 突然有隻曱甴問:「點解要聽你吩咐?」 . 我呆一呆:「因為我有超能力,可以同你地溝通。」 . 曱甴又問:「咁你可唔可以同人類溝通?」 . 「可以啊。」 . 曱甴再問:「咁其他人類有無聽你吩咐?」 . 「......無。」番工俾老闆鬧都算啦,依加仲俾隻曱甴串? . 雖然佢地好細隻,睇唔到表情,但我已經感受到佢地嘅白眼。 . , 小強見氣氛有啲僵,出黎做和事佬:「Peter係新加入嘅朋友,唔係好識規矩,大家體諒下。」 . 點解螞蟻俠可以指揮螞蟻,而我,曱甴俠,只可以同曱甴做朋友? . 無理由嘅,我咁大隻,佢地咁細隻,我點都有啲優勢掛? . 我婉轉咁問小強:「我日後如果麻煩各位......朋友幫我做野,得唔得架?」 . 「得。」 小強答得好爽快:「只要符合本族嘅宗旨,做乜都無問題。本族嘅宗旨係四個字......」 . 我估:「團結友愛?天地良心?」 . 曱甴族齊聲答我:「搵、食、繁、殖!」 . ......又真係好緊要。 . , 「我地出去搵食,好危險架,郁啲就俾人打死踩死。 如果你買夠野食,提供安全環境畀我地繁衍,我地咪幫你做野。」 小強繼續講:「用你地人類嘅說話,叫做『僱傭關係』。」 . 我明白晒,小強主動同我講野,根本就係見我可以同曱甴溝通,想我畀著數佢地。 . 「無問題。」我一口答應,曱甴咁細隻,食得幾多野? . 我按照小強嘅說話,將我間屋佈置為「曱甴居」,仲劃咗條特別通道畀我,廢事我誤踩曱甴。 . 呢個消息一(曱甴)傳十(曱甴),十傳百,好快,我屋企就住滿咗曱甴。 . 唔知係咪因為基因改變,我同佢地一齊生活,又唔覺得噁心。 . , 當然,做事要一步步黎,我打算先試下我班曱甴員工嘅威力。 . 果日,我擺咗幾百隻曱甴落個公事包度,偷偷帶番公司。 . 待續... . #短故 #短篇 #小說 #陳美濤 #廣東話 #粵語 #曱甴俠 #tomatochan #蟑螂

Share 0 7
Load More